Хууль зүйн сайд Х.Тэмүүжингийн нялх амраг гэгдээд буй Г.Сарангэрэл хорих 461 дүгээр ангид дөрвөн сар хоригдсоны эцэст уржигдар батлан даалтанд гарсан.

Тэрбээр гарч ирсэн даруйдаа Х.Тэмүүжин сайдтай янаг амрагийн явдалтай байснаа орон даяар зарлаж, бүүр сайдын өрөөнд хүртэл “юу яасан” хэмээн мэдэгдсэн.

Г.Сарангэрэл охин анх Х.Тэмүүжин сайдтай учир ургуулахдаа 17-хон настай байсан гэдгээ хэлсэн. Тэгэхээр хуулийн шинэтгэл хийхээр “тэмцэж” буй салбарын сайд маань насанд хүрээгүй охинд том хүний хичээл заасан болж таараад байгаа юм.

Хуульзүйн сайдыг насанд хүрээгүй охинтой “унтсан, унтаагүй” гэх мэдээлэл цахим ертөнцөөр сенсааци дэгдээж, твиттерт энэ л талаар жиргэж байна. 

Тэгвэл  ЭЦГ-ынхан  хуурамч фэйсбүүк хаяг ашиглаж насанд хүрээгүй охидтой танилцаж садар самуун үйлдэлд уруу татаж байсан "Ч" гэгчийг баривчилсан гэх мэдээлэл өнөөдрөөс цацагдлаа.

Энэ  нийгэмд садар самуун явдал газар авч, охин хүүхэдтэй  хүн болгоныг түгшээх болсон. Уг нь үүнд хяналт тавьж, энэ төрлийн гэмт хэрэгтэй тэмцэхэд голлох үүрэг гүйцэтгэх ёстой салбарын сайд нь өөрөө насанд хүрээгүй охинтой холбогдож, залуучуудад үлгэр дууриалал болохоор юу ч гэхэв дээ. 

Уг нь энэ  талаар Х.Тэмүүжин сайд ямар нэгэн тайлбар хийх ёстой. Гэтэл тэрбээр “Цаг нь болохоор бүх зүйл ил болно. Одоогоор мөрдөн байцаалтын ажиллагаа явагдаж байгаа учраас нийтэд ил болгож болохгүй зүйл байгаа” хэмээн мэдэгдэж буй.

Энэ бол Х.Тэмүүжингийн угаасаа л хэлдэг үг. Тэрбээр 2008 оны долдугаар сарын 01-нд болсон  нийтийг хамарсан эмх замбараагүй явдлын дараа “Хар дэвтэр” гээчийн талаар ярьж “Цаг нь болохоор амиа алдсан таван хүнийг хэн буудсан талаар нийтэд ил болгоно, одоо хэрэг шалгагдаж байгаа учир ярих цаг нь болоогүй байна” хэмээж байсан. Гэвч он цаг улирч  Х.Тэмүүжингийн “Хар дэвтэр”-ийн талаар иргэд мартагнаж эхэлсэн. Тэр Хуульзүйн сайд ч болсон, хэрэг ч шүүхэд шилжсэн. Гэвч хэдэн хурандаа нар дээлээ нөмөрснөөр энэ хэрэг нэг тийшээ шийдэгдсэн билээ.

Тэгвэл энэ удаад ч мөн хэлдэгээ хэлж, асуудлыг намжихыг хүлээх гэж байгаа бололтой.

Б.Цацрал