Дуучин Ану гэхээр "Гала" хамтлагийн нэр хамгийн түрүүнд буудаг. Олон сайхан бүсгүйчүүдийн үлгэр дуурайлал болсон дууч бүсгүйн урлагийн замнал тийм ч урт, дардан байгаагүй ээ. Дууч бүсгүйчүүдийн эрс өөрчлөлтийг харуулсан алаг эрээн, гял цал хувцаслалт олон охидод таалагдсан ч томчуудын зүгээс шүүмжлэл дагуулсан. Гэсэн хэдий ч Болороо, Ану хоёр шантралт, буцалтгүй уран бүтээлээ толилуулж явсан цаг саяхан. 

Харин Болороо хувийн зам мөрөө хөөхөөр шийдэж урлагаа орхисон билээ. Ганц дайчин ганцаарддаггүй нь тод жишээг Ану өөрийн фэнүүддээ харуулж цоглог, эрч хүчтэйгээр уран бүтээлээ үргэлжлүүлсэн ч хөөрхөн охины ээж болон тайзнаа буусан. Хэдий олны өмнө дуулж тайзан дээр гараад байхаа больсон ч түүний стиль, төрх байдал нь бусдын харцыг өөрийн эрхгүй татдаг. Саяхан нэгэн телевизийн нэвтрүүлэгт оролцох үеэр нь Ану нэрийн "бялуу"-г хийж түүнд бэлэг барьжээ.

Д.Ана