1. Хятад улс, Бээжин хот – Хятадын нийслэлийн иргэд ахиад л энэ өвөл утаа тортогны асуудлаас болоод гадуур явахдаа маск зүүх шаардлагатай болов.

2. Иран улс, Ахваз хот –Хүнд үйлдвэрлэлүүд ихтэйгээс болоод энэ хот нь хамгийн их агаарын бохирдолтой хотын жагсаалтыг тэрүүлэх болсон юм.

3. Монгол улс, Улаанбаатар хот – Улаанбаатар бол дэлхийн хамгийн хүйтэн нийслэлээс гадна агаарын бохирдлоороо дэлхийд гуравт ордог юм. Өвлийн улиралд гэрийн зуухандаа мод болон нүүрс шатааснаар нийт агаарын бохирдлын 70 хувийг бүрдүүлдэг байна.

4. Пакистан улс, Лахоре хот – Пакистан улсын хувьд агаарын бохирдол нь гол асуудал болчихоод байгаа юм. Лахоре хот нь Пакистаны хоёр дахь том хот бөгөөд агаарын бохирдол нь хурдны замын түгжрэл буюу машины утаа, эргэн тойрон дахь цөлөөс салхинд туугдаж орж ирэх тоос тоосонцор мөн хогийн цэгүүдийг шатааснаас болж үүсчээ.

5. Энэтхэг улс, Нью-Дели хот - 10 сая орчим хүн амтай Нью-Дели хотын машин сүүлийн 30 жилд 180 мянгаас 3,5 сая болтлоо өсжээ. Гэвч хотын агаарын бохирдлын дийлэнхийг нүүрсэн түлштэй цахилгаан станц бий болгож байгаа юм. Нийт 80 орчим хувь нь нүүрсний цахилгаан станцаас гарч байна.

6. Саудын Араб, Риад хот - Риад хотын агаарын бохирдлын нэг хэсгийг элсэн шуурга эзэлдэг байна.

7. Египет улс, Каир хот - Каир шиг агаарын чанар муутай газар хүмүүс нь агаар дуслын өвчин тусч мөн уушигны хорт хавдартай болцгоодог. Агаарын бохирдлын гол эх үүсвэр нь замын түгжрэл болон хурдацтай хөгжиж буй үйлдвэржилт юм.

8. Бангладеш улс, Дака хот - Судалгаа шинжилгээнээс үзэхэд Дака хотод жилд 15,000 хүн агаарын бохирдлоос болж нас барцгаадаг. Эрдэмтэд энэ хотоос хүхрийн давхар ислийн хамгийн өндөр агууламжийг олж бүртгэсэн байдаг.

9. Орос улс, Москва хот - Агаарын бохирдол адилхан мэт санагдах боловч, хаана гэдгээсээ шалтгаалаад өөр байдаг. Москва хотын агаарт нүүрс устөрөгч их хэмжээгээр байдаг.

10. Мексик улс, Мексик хот - Мексик хотын агаарын бохирдлыг газарзүйн байршил нь улам бүр дордуулж байдаг. Энэ хот нь 3 том уулаар хүрээлэгдсэн. Агаар дахь их хэмжээний хүхрийн давхар исэл болон нүүрстөрөгчийн улмаас Мексик хот нь нэг хэсэг дэлхийн хамгийн их агаарын бохирдолтой хотоор шалгардаг байсан. Замын шинэ бодлого болон зарим үйлдвэрүүдийг унтрааснаар нөхцөл байдал сайжирсан байна.