111  “Мон-Атом” төрийн өмчит компани  ШУТИС-ийн Геологи, уул уурхайн сургууль хооронд хамтран ажиллах санамж бичигт гарын үсэг зурлаа. Монгол Улсад шинээр үүсэн хөгжиж буй уран болон бусад төрлийн цацраг идэвхт ашигт малтмалын эрэл хайгуул, тандан судалгаа хийх, Засгийн газрын үйл ажиллагааны хөтөлбөрт туссан шинэ салбарын мэргэжлийн боловсон хүчин бэлтгэх, байгаль орчинд ээлтэй технологи нэвтрүүлэх чиглэлээр хамтран ажиллахаар тохиролцож энэхүү “Санамж бичиг”-ийг байгуулав.

     Санамж бичигт “Мон-Атом” төрийн өмчит компанийг төлөөлж гүйцэтгэх захирал Э.Галбадрал, Шинжлэх ухаан, технологийн их сургуулийн Геологи, уул уурхайн сургуулийг захирал Б.Чинзориг гарын үсэг зурлаа. Мөн Геологи, уул уурхайн сургууль өөрийн сургалтын бааз болон гадаад харилцааны шугамаар хэрэгжүүлж буй сургалтын төслүүдийнхээ хүрээнд “Мон-Атом” төрийн өмчит компанитай хамтран геологи, уул уурхайн чиглэлээр хүний нөөцийн хамтарсан хөтөлбөр хэрэгжүүлэх, өндөр мэргэжлийн боловсон хүчин, мэргэшлийн ажилчид бэлтгэх, дадлагажуулах, түр болон мэргэжил дээшлүүлэх сургалт болон эрдэм шинжилгээ, онол-практикийн бага хурал, семинар зохион байгуулж ажиллах юм.

222