Хип хоп холбооны Ерөнхийлөгч Баавар буюу Ш.Батбаярыг өнөөдөр  төрийн албан хаагчид эсэргүүцэл үзүүлсэн хэргээр  шүүгдэх байлаа. Гэвч шүүх хурал  улсын яллагчийн хүсэлтээр хойшлоод байна.   Хэрвээ түүнийг буруутай гэж  шүүх үзвэл   Эрүүгийн хуулийн  230.1-д заасны дагуу  хөдөлмөрийн хөлсний доод хэмжээг наяаас нэг зуу дахин нэмэгдүүлсэнтэй тэнцэх хэмжээний төгрөгөөр торгох, хоёр зуун тавин нэгээс гурван зуун тавин цаг хүртэл хугацаагаар албадан ажил хийлгэх, гурваас дээш зургаан сар хүртэл хугацаагаар баривчлах, эсхүл хоёр жил хүртэл хугацаагаар хорих ял шийтгэх юм байна.  

Түүнтэй хамт Д.Манлайжаргал, М.Бадрал нарыг мансууруулах буюу сэтгэцэд нөлөөлөх эм, бэлдмэл, бодисыг борлуулах зорилгогүйгээр хууль бусаар бэлтгэсэн, олж авсан, хадгалсан хэргээр  шүүгдэх юм.  Д.Манлайжаргал, М.Бадрал нарын гэм буруутай нь тогтоогдвол  Эрүүгийн хуулийн 192.1-д заасны дагуу хөдөлмөрийн хөлсний доод хэмжээг нэг зуугаас нэг зуун тавь дахин нэмэгдүүлсэнтэй тэнцэх хэмжээний төгрөгөөр торгох, гурваас дээш зургаан сар хүртэл хугацаагаар баривчлах, эсхүл хоёр жил хүртэл хугацаагаар хорих ял шийтгэнэ.

Бид энэ талаар эргэж мэдээлнэ.  

А.Баярмаа