Зөвшөөрөлгүй зураг төслөө өөрчилж, хүний аминд хүрсэн Тэнгисийн өмнөх барилгыг буулгая
2015/05/26
Усан оргилуур барих нэрээр зөвшөөрөл авсан талбайдаа оффис үйлчилгээний зориулалттай олон давхар барилга зөвшөөрөлгүй барьж, барилгын явцад нь төмөр унаж доогуур нь явсан эрдэнэт хүний аминд хүрсэн Тэнгис кино театрын өмнөх ЭКО-ийн барилгын асуудал хэрхэх нь ойлгомжгүй байсаар ойлгомжгүй байсаар 3 жилийн нүүрийг үзлээ.
Тухайн үед уг барилгыг хотын удирдлагууд буулгана гэж олон нийтэд мэдэгдэж байсанч буулгалгүй байсаар гурван хавар өнгөрлөө.
Уг барилга нь Эко констракны захирал С.Нямдаваагийн эзэмшил гэдэг. Чанаргүй барилга барьдаг гэдгээрээ алдартай “Эко констрашн” компанийн захирал С.Нямдаваа нь МАН-ын дарга М.Энхболдын “гарын хүн” гэж яригддаг. Ямартай ч 3 жилийн өмнө зөвшөөрөлгүй баригдаж байгаа барилгаас болж хүний амь эрсдэхэд дээрх барилгыг буулгах тухай тогтоол шийдвэр нь гарсныг зарлаж байсан ч өнөөдрийг хүртэл хэрэгжээгүй байна. Энэ хооронд хотын төвийн сүрийг дарсан дутуу баригдсан “балгас” байсаар л байна.
Нэгэнт буулгах шийдвэр тогтоол нь гарсан атал эл барилгыг өнөөдөр хүртэл буулгахгүй байгаагийн цаад шалтгаан юу байна вэ?
Холбогдох байгууллагын ажилтнууд Тэнгис кино театрын өмнөх барилгыг нэн даруй буулгаж, түүний оронд анх төлөвлөгдсөн хотын өнгө үзэмжинд чимэг нэмэх, иргэдийн амралт зугаалах орныг нэмэгдүүлэх усан оргилуурыг барихыг иргэд шаардаж байгаа гэнэ.
А.Гал
Зочин · 2015/05/26
Бат-Үүл баатар дарга гэр хороололын барилгажилт нэрээр хүү Чулуудайдаа өгөөд барилгыг гүйцээлгээд ард түмэндээ зарчихаач хаалт байх биш
Зочин · 2015/05/26
Энэ барилгыг буулгаад хохирогч иргэн босоод ирэх юм уу .Битгий улс төр болгоод бай.Нямдаваа санаатайгаар төмөр шидчээ юу.Ахмадын орон сууц болгоод ашиглах хэрэгтэй.Энэ барилга чинь монголын л өмч шүү дээ.
Зочин · 2015/05/26
Энэ барилгыг буулгаад хохирогч иргэн босоод ирэх юм уу .Битгий улс төр болгоод бай.Нямдаваа санаатайгаар төмөр шидчээ юу.Ахмадын орон сууц болгоод ашиглах хэрэгтэй.Энэ барилга чинь монголын л өмч шүү дээ.