Одоогоос долоон  сарын өмнө АН, МАН гэрээ байгуулан улмаар   Шинэчлэлийн Засгийн газарт хамтран ажилласаарө нөөдрийг хүрсэн. Өчигдөр  Ерөнхий сайд Ч.Сайханбилэг  МАН-аас  Засгийн газрарт орж ажиллаж буй зургаан гишүүнийг чөлөөлөх тогтоолын  төслийг өргөн барьсан.  Уг асуудлыг өнөөдөр байнгын хороогоор  хэлэлцэж олонхийн дэмжлэг авсан.  Улмаар асуудлыг  УИХ-ын ээлжит бус чуулганаар хэлэлцэж,

1. Ухнаагийн Хүрэлсүхийг Монгол Улсын Засгийн газрын гишүүн-Монгол Улсын Шадар сайдын;

2. Дуламсүрэнгийн Оюунхоролыг Монгол Улсын Засгийн газрын гишүүн-Байгаль орчин, ногоон хөгжил, аялал жуулчлалын сайдын;

3. Жаргалтулгын Эрдэнэбатыг Монгол Улсын Засгийн газрын гишүүн-Сангийн сайдын;

4. Дамдины Цогтбаатарыг Монгол Улсын Засгийн газрын гишүүн-Барилга, хот байгуулалтын сайдын;

5. Намхайн Төмөрхүүг Монгол Улсын Засгийн газрын гишүүн-Зам, тээврийн сайдын;

6. Содномын Чинзоригийг Монгол Улсын Засгийн газрын гишүүн-Хөдөлмөрийн сайдын үүрэгт ажлаас огцруулахаар боллоо.  

Тодруулбал Шадар сайд  У.Хүрэлсүхийг 48 гишүүнээс 46 гишүүн зөвшөөрч 95.8 хувийн саналаар, Байгаль орчин, ногоон хөгжил, аялал жуулчлалын сайд Д.Оюунхоролыг   44 гишүүнээс нь 38 зөвшөөрч 86.4 хувийн саналаар, Сангийн сайд Ж.Эрдэнэбатыг  46 гишүүнээс 45 гишүүн зөвшөөрч  98.7 хувийн саналаар, Д.Цогтбаатарыг 48 гишүүнээс 47 нь дэмжиж 97.9   хувийн саналаар, Зам тээврийн сайд Н.Төмөрхүүг 100   хувийн саналаар, С.Чинзоригийг 45 гишүүний 43 нь зөвшөөрч 95.6 хувийн саналаар тус тус огцруулахаар боллоо.  

Одоогоор эзгүйрсэн сайдын суудалд хэн суух нь тодорхойгүй байна.  

А.Баярмаа