“Хүннү Лорд” ХХК Засгийн газрын нэрийг барин 160 ам.долларын үнэтэй сэтгүүл зарж байсан мэдээлэл гараад байгаа. Тэгвэл үүнтэй холбоотойгоор тус компанийн гүйцэтгэх захирал Ц.Баттөмөр хэвлэлд ярилцлага өгсөн байдаг.

  Тэрбээр "Бүх зөвшөөрөл нь байгаа. Бид ямар ч хууль зөрчөөгүй. Гуравдугаарт, 160 ам.долларын сэтгүүл гээд байгаа зүйлээс нэгийг ч зарж борлуулаагүй.  160 ам.долларын үнэтэй сэтгүүл биш.  Үүргэвчтэй аялагчдад зориулсан аялал. Манай байгууллагыг зохих шатны хууль, хяналтын байгууллага нь шалгаж байгаа. Цагдаа, тагнуул гээд 2-3 газраар шалгаж байна. Удахгүй үнэн зөв нь тогтоогдох байх" гэсэн юм.

Тэгвэл бүх зөвшөөрлийн дагуу үйл ажиллагаа явуулсан гэх түүний үг оргүй биш бололтой. Учир нь Буянт-Ухаа боомтын Гаалийн газрын дарга З.Сырымбек “Хүннү лорд” компанид илгээсэн албан бичиг өнөөдрөөс ил гарч эхэллээ. Уг албан бичигт “Access нэртэй сэтгүүл худалдан борлуулах цэг байгуулахад шаардагдах 2 м.кв талбайг ашиглах хүсэлтэд татгалзах зүйлгүй” хэмээжээ.