Ерөнхий сайд асан Н.Алтанхуягийн ахлах зөвлөх Л.Гансүхийн шүүх хурал нээлттэй эхэлсэн ч тун удалгүй завсарлага авсан. 

Гэрч дутуу учраас шүүх хурлыг хойшлуулах хүсэлтийг Л.Гансүхийн өмгөөлөгчдийн зүгээс тавьснаар хурал түр завсарласан юм. Хэсэг хугацааны дараа шүүх бүрэлдэхүүн хэлэлцээд хурлыг 9 сарын 10-ны өдөр 10 цагаас эхлүүлэхээр товлолоо.

Шүүх хурал хойшлогдсоныг зарласны дараа Л.Гансүх болон энэ хэрэгт холбогдон буруутгагдаж буй хүмүүсийг хорихоор авч явлаа. Шүүх хурал болтол тэднийг суллахгүй байхаар шийдсэн байна.

 

Ерөнхий сайд асан Н.Алтанхуяг хэд хоногийн өмнө зөвлөхийнхөө шүүх хуралд гэрчээр оролцохоо мэдэгдсэн. Тэрээр хэлсэн амандаа хүрч өнөөдөр шүүх танхимд гэрчээр ирсэн юм. Нийгмийн сүлжээгээр засгийн газрын экс тэргүүнийг өөрийн хүнээ хамгаалдаг, амласандаа хүрдэг хүн байна гэх яриа өрнөж байна.

 

Харин хэн болох нь тодорхойгүй байгаа нөгөө гэрч шүүх хуралд ирээгүй тул ийнхүү хойшлогдоход хүрлээ.

 

Уг шүүх хурал нээлттэй болсон юм. Тодруулбал, Л.Гансүхийн өмгөөлөгч өчигдөр сэтгүүлчдэд мэдээлэл хийж, өөрийн үйлчлүүлэгчээ буруугүй гэдгийг мэдэгдэн шүүх хурлыг олон нийтэд нээлттэй, телевизээр шууд дамжуулан явуулах хүсэлтэй байгаагаа илэрхийлснийг шүүх зөвлөл хүлээн зөвшөөрсөн.

 

Л.Гансүхийн өмгөөлөгчид бүхнийг олон нийтэд ил явуулах хүсэлтэй байгаа тул ирэх пүрэв гарагт болох шүүх хурал ч нээлттэй болно гэж үзэж байна.

 

Л.Гансүхийг Засгийн газ­раас хэрэгжүүлсэн “Нүүрс” хө­­­төлбөрийн ах­лагчаар то­­­милогдон ажил­­лаж байх­­­даа төрийн мөн­гийг хувьдаа завшсан гэх хэрэгт буруутгаж байгаа юм.

Д.Ундрах

http://www.24tsag.mn