Хотын дарга аа, хотын захынхан “хохирч байна”
2015/09/21
Энэ зүйр үгийг хэрэглэх нь зөв үү, буруу юу. Ямартай ч манай нийтийн тээврийн салбар шинэчлэл хийсэн биш "сахил хүртээд шал дордов” гэдэгтээ адилхан болоод байна. Итгэхгүй бол өглөө ажилд явах үе, орой ажил тарах үеэр автобусны буудлууд дээр очоод үз л дээ. Маш олон хүн хаашаа, юунд сууж явахаа мэдэхгүй бөөгнөрөлдөн зогсож байна. Өмнө нь ийм байсан. Гэхдээ чихэлдээд ч болов гэрийнхээ ойролцоо буучихдаг байлаа. Одоо чихэлдэх ч автобус алга.Гэртээ харина гэвэл заавал ч үгүй дамжих шаардлагатай болчихлоо.
Хотын төвөөр "Таван шар-Офицеруудын ордон” чиглэлийн маш олон автобус ар араасаа "гал тэрэг” шиг цуваа үүсгэн явж байгаа. Эдгээр дунд нөгөө олон саяын үнэтэй угсраа автобус ч бас бий. Эхний хэдэн автобус хүнтэй харин сүүлийн хэд нь хоосон шахуу.
Гэтэл хотын захаас төв рүү чиглэсэн автобус тун цөөн. Зарим чиглэлд байхгүй гээд хэлчихвэл хатуудахгүй биз.
Сонгинохайрхан дүүргээс хотын төв орохоор бол заавал хоёроос гурав дамжих шаардлагатай болчихлоо. "Зүүн салаа, 13 дугаар хороолол, Зах” гэсэн автобус явах нь явна. Гэвч энэ автобусанд суух нь тэнгэрийн умдаг атгасантай адил. Эцсийн буудлаас дүүрчихдэг учраас завсрын буудал дээр зогсох хүмүүсийг орхих нь элбэг байдаг.
Манай "баатар” дарга нарын гаргасан гайхамшигт шийдвэрийн үр дүн энэ шүү дээ. Автобуснууд нь хотын төвөөр "хоосон” холхиж, харин яг автобусанд суух ёстой зорилтод бүлэг нь хотын захад буудалдээр горьдлогын харцтай алсыг ширтэж зогсоно.
Яагаад зорилтод бүлэг вэ гэвэл. Хотын төвийнхөн автобусанд суух онцын шаардлага байхгүй. Хэрвээ автобус хүлээгээд ажлаасаа хоцрох гээд байвал такси бариад л явчихна. Үнэлгээ нь ойролцоо. Харин хотын захынханд автобус шиг хөл залгуулах унаа байхгүй. Ер нь тэнд хэн амьдардаг вэ гэдгийг надаар хэлүүлэлтгүй "баатар” цолтон мэдэж л баймаар. Гэтэл "хүнсний 20-ынхон”, "андуудынхан”-д зориулсан чиглэлийг онцгой анхаарч, бүр угсраа автобус хүртэл худалдан авсан мөртлөө, "долоо буудлынхан”, "нарангийн голынхон”, "баянхошууныхан”-г мартаж орхисонд гомдоллоод барашгүй нь.
Тиймээ би, бид хотын захад амьдардаг. Гэхдээ Улаанбаатар хотын иргэн. Харин хотын дарга таны гаргасан шийдвэр хотын захынхан биднийг хохироогоод байна. Хоосон шахуу давхилдаж буй автобуснуудыг манай чиглэлд явуулаад л өгчихвөл. Олон дамжих шаардлагатай бол дахин төлбөр төлөхгүй болгоод л өгчих. Өөр юу ч хүсэхгүй.
А.Аюуш
Зочин · 2015/09/22
Ee hoorhiis minee heden bichig useg tailagdsiin bgazde ta nar heden chiglelee unshaad oilgochih uhaan alguu yasan sonin setgehuitei ym be zugeerl bnaleshde ta nar hudlaa zalhuurch bga shde niitiin teevriin salbar oorchlogdoh tsag ni bolson gedgiig oilgoj uhaaraachde neg ni neg ym hiiheerl dandaa oo haigaad yvchhimaa
Зочин · 2015/09/22
Hun alsan huneer darga hiiheer hunee mer ser alsaar l bdag yum bna ene ahiigaa aluulsan Oyun gishuun darga sentiid durtai bolohoor duugai l yavah yum
Зочин · 2015/09/21
hotiin darga y bodohgui bolunheer hetsuudeh ni ee bi bayan khoshuunaas ywdag unheer unaa ugluud oldhod berh sapporo oroh gej bur sonin ym bolno mikrond ni suuhaar tsagdaa nar ni ter hediigee daramtlaad ywuulahgui baih jisheetei iim l bna bi GER HOROOLOLD AMIDARDAG CH AWSAN TSALINGAASAA TATWARAA TULJ HOTIINHOO TULUU GEJ BODOJ YWDAG ZALUU HUN MUN BUSDIIN ADIL ULAANBAATAR HOTIIN IRGEN HUN
Зочин · 2015/09/21
Энэ яг бодит үнэнийг бичжээ. Дамбаас үйлдвэр комбинат руу урд нь ганц автобусаар явдаг байсан одоо бүүр 2 заримдаа бүүр 3 ч дамжих болчоод байна. Урьд нь өдөртөө 1000 төгрөгөөр ажилдаа ирж очдог байсан би одоо 2000-3000 төгрөгөөр ирж очиж байна. Энэ чинь тэгээд ард түмнээ бодсон шинэчлэл юм бол ард түмэн бид нар чинь ийм шинэчлэлд чинь үрэгдэж дуусах нь байна ш дээ. Ард иргэдээ бодооч ээ гэж л хэлье дээ...........