Маяктай машин унадаг албан тушаалтны нэрс гаргахыг даалгав
2015/10/29
Даваа гариг бүрийн өглөө Зам тээврийн сайдын шуурхай хурал болж байгаа билээ. Энэ долоо хоногт болсон шуурхай хурлаар хэд, хэдэн асуудлыг хэлэлцсэн байна.
- УБТЗ-ын төв буудлын арын машины зогсоол бүхий том талбайг нийтийн тээврийн автобус, микроавтобусны зогсоол болгохоор боллоо.
- Монголын нутгаар дамжин өнгөрдөг ачаа тээврийн хугацаа 48 цаг байсан бол одоо 27 цагийн дотор дамжин өнгөрнө. Ингэснээр ачаа эргэлт сайжирч, орлого ч нэмэгдэнэ.
- Хотын нийтийн тээврийн хэрэгслүүдийн хурд, замын хөдөлгөөний дүрмийн хэрэгжилтийг Зам, тээврийн яам, Замын цагдаагийн газар, Авто тээврийн үндэсний төвтэй хамтран GPS-ээр хянана.
- Тусгай дуут дохио, маяктай машин унадаг төрийн албан хаагч, өндөр албан тушаалтнуудын нэрсийг гаргаж өгөхийг Замын цагдаагийн газарт даалгалаа.
- ИНЕГ-ын харьяа Жаргалантын аман дахь 2 тэрбум төгрөгийн өртөг бүхий амралт сувиллын газрыг үнэгүйдүүлж, хувьдаа авах гэж байсан үйлдлийг таслан зогсоож, Онцгой байдлын ерөнхий газар болон тусгай үүрэг бүхий газруудын ажилтан, албан хаагчдын хэрэгцээнд шилжүүлэхээр Засгийн газарт санал орууллаа.
Зочин · 2015/10/29
Сайд сайн байна шүү. Маяктай машин цөөлмөөр байгаа юм . Гэрлээ ани.вчуулаад түгжрээн дунд зогсоод байдаг юм. ард нь зогсхоор нүдэнд халгайтай үнэн лайтай
Зочин · 2015/10/29
Засагт үйлчилдэг машинуудыг тусд нь өөр дугаартай болгооч. Мөн цагдаагын машин унаж байгаа улсуудыг бүс бүслүүлж дүрэм зөрчвөл адилхан торгодог болгох хэрэгтэй
шаабар · 2015/10/29
Боломжийн л шийдвэр байна. Үүн дээр нэмээд тус яамны харьяа бүх байгууллагын дарга нарыг жижиг машин унадаг болгох, унадаг дугуйны замтай болох, төрийн албан хаагчид ажилдаа нийтийн тээвэр, эсвэл дугуйгаар, явганаар ирдэг жишиг тогтоох гээд хийх ажил их байна даа. Богино хугацаа үлдсэн учир зоригтой үлдэцтэй ажил хий.
Зочин · 2015/10/29
зөв