Иргэдийн сэтгэлзүйгээр тоглосон ”хулхи” хямдралтай худалдаа болов
2015/10/29
Нийслэл хот байгуулагдсаны 376 жилийн ой өнөөдөр тохиож байна. Нийслэлийнхэн ойн хүрээнд олон ажил зохион байгуулахаар төлөвлөсний нэг нь Чингисийн талбай дахь “Их хотын хямдралтай худалдаа” юм. Нийслэл хот байгуулагдсаны ойгоор уламжлал болгон Их хотын хямдралтай худалдааг зохион байгуулаад гурав дахь жилтэйгээ золгож байгаа бөгөөд өнөө өглөө нээлтээ хийлээ. Энэ жилийн хувьд тус худалдаанд нийт 100 гаруй аж ахуй нэгж оролцож, бараа бүтээгдэхүүнээ 10-70 хувийн хямдралтай үнээр борлуулж байгаа юм. Мөн сугалаат худалдааг зохион байгуулж байна.
Цаг агаар хэдийгээр хүйтэн сэрүүн байгаа ч иргэд Их хотын хямдралтай худалдааг олноороо зорин ирсэн байлаа. Харин энд ирсэн иргэдийн ихэнх нь Монгол ноос, ноолуур, сарлагийн хөөврөөр хийсэн өвлийн өмд, цамц, малгайг ихэд сонирхон, худалдан авалт хийж байгаа харагдлаа. Эдгээр бүтээгдэхүүний хувьд 15-120 хүртэлх мянган төгрөгийн үнэтэй байлаа. Их хотын хямдралтай худалдаа гэж нэрлэчихээд хямдарсан зүйл харагдахгүй байна гэж бухимдах иргэн цөөнгүй байлаа.
Зохион байгуулагчдын зүгээс үндэсний үйлдвэрлэгчид бараа бүтээгдэхүүнээ 10-70 хувь хямдруулж байгаа гэсэн хэдий ч ихэнх үйлдвэрлэл эрхлэгчид ердөө 10 хувиар бууруулсан харагдаж байлаа. Зарим аж ахуй нэгжүүд бүр дэлгүүр барааныхаа зах зээлийн үнэ одоо хэд байгааг ч мэдэхгүй 10 хувийн хямдралтай гэх зүйл яриад зогсож байсан нь тэнд цуглан иргэдийн дургүйцлийг хүргэж байв. Цаашлаад "Янмал", "Чансаа" зэрэг газруудыг хямдруулах биш бүр үнээ нэмсэн байгааг ч иргэд цухалцуулж байсан юм.
Харин их хотын хямдралыг зохион байгуулж байгаа зохион байгуулагчдын хувьд хэвлэл мэдээллийн хэрэгслийнхэнд ярилцлага, мэдээлэл өгөхөөс цааргалж байлаа.
Юутай ч эдийн засгийн хямралтай байгаа энэ үед иргэд хямдралтай худалдаа руу цаг заваа гарган ирэх нь дамжиггүй. Гэтэл иргэдийн сэтгэлзүйгээр тоглосон ийм үзэгдэл газар авсаар байгаа нь илэрхий байна.
Д.Ундрах /24tsag.mn/
Zochin · 2015/10/29
Ochij vzsen. Ihenh ym vndsen vneeree bn lee. Hairan tsag zav.
zochin · 2015/10/29
manaihaas busad orond hymdral bol jinhen utgaaraa boldog manaid esergeeree ulam nemeed baidag hogjih yagaach ugui bnadaa 50 jiliin zai baina
SARAA · 2015/10/29
xuushuur ni xurtel 1000T gej bna lee. maxniii une buuraad bxad ene xuushiirnii une yagaad usuud bna aa. end ch mun gaduur ch ADIL
Зочин · 2015/10/29
za yostoi avya geed ch avah zuilgui, uuchlaarai gemeer hudaldaa baina, heden nooson umdnuus uur zuilgui ter ni yag l undsen uneeree zaragdsan tiim l hudaldaa bailaa gej. iim yum zohion baiguulahaa boliod mashinii zogsool baij baisan ni deer yum.
zochin · 2015/10/29
Irgedee dandaa huurch bh ym da ard tumen biznis erehlechid ard irgedee yamar boddog bish huurch l bdag ym chin
hahahahaha · 2015/10/29
irgediinhee tolgoig ni erguuleed l bolimoorii
hahahahaha · 2015/10/29
ugaasaa l hudlaashde humuusee