Зуны урин цаг болж, улс төрийн амьдрал зог­соод, дарга цэрэггүй амар­сан энэ үед МАН-ыг ши­нэч­лэхээр шийдсэн хэсэг за­луус идэвхтэй ажилласаар. Тэд на­мын Бага хурлаа энэ сарын 30-нд хийхээр шийдэж, элдэв шаардлага дарга нартаа тавьж эхэлсэн. Тэр ч битгий хэл да­раагийн даргаа хайх ажилдаа ч орчихоод байгаа гэх. Тэгвэл өнгөрч буй долоо хоногт МАН-ын Шинэчлэлийн хорооны дар­­га Т.Аюурсайхан нэлээд ноц­­той мэдэгдлүүдийг хийв. Тэр­бээр “Намын шат шат­ны бүх хурлуудад зөвхөн дарга сонгодог, зохион бай­гуулалтын асуу­дал ярьдаг, асуулт асуух бо­лон санал хэлэх нэг ч хүн байх­гүй тэр үеэс МАН-ын уналт эхэл­сэн бай­сан.

Түүнчлэн эрүүл шүүмжлэл хэлдэг, ту­хайн орон нутаг дэвсгэр бо­лон улс орны нийгэм эдийн зас­гийн тулгамдсан асуудлыг хэ­лэлц­­дэг, гарах шийд­вэ­рийг то­дор­хойл­дог, улс тө­рийн то­моо­хон хүчний хувьд ямар байр суурь бод­логоор орол­цох, тэр зар­чим­даа хүмүүсийг татан орол­­цуулж чаддаг байж цаа­шаа явах ёстой. Энэ бүх зар­чим ал­дагдсан тэр цагаас эв нэгдэл нь үгүй болж, эрүүл шүүмж­лэл хэлсэн нэгийгээ хав­­чин гадуурхаж, хөшигний цаа­на цөөхөн хүн бодлого гар­гаж эхэлсэнээр уналтын дохио өг­сөөр энэ цэгт хүрсэн.  Одоо манай нам хуйвалдаанаас тат­галзаж, бүлэглэлүүдийг ил бол­гох ёстой. Манай намд далд бү­лэглэл их байдаг. Харин энэ далд бүлэглэлийг ил болгох ёстой.

Бие биеийнхээ эсрэг далдуур хуйвалдаан явуулдаг. Энэ нь намын эв нэгдэл болон нийт­лэг эрх ашигт маш их хор хохиролтой. Намын дарга на­рыг дарга нар бус гишүүд нь сонгодог болъё. Намын даргад нэр дэвшиж байгаа хүмүүсийн дунд сунгаа явуулахын зэрэгцээ бодлогыг нь өрсөлдүүлдэг болъё. Улс орны нийгэм эдийн засагт ингэж ажиллана гэ­сэн бодлогоор өрсөлдүүлж, хам­гийн их дэмжлэг авсан хү­нийг на­мын Их хурлаар ба­тал­гаа­жуулах гэсэн зарчмыг тавьж байгаа. Мөн авлига, гэмт хэрэгт холбогдсон гишүүдээ нийгэмд ил тодоор зарлаж, тэднээс ан­гижрах хэрэгтэй. Авлигаас ан­гид нам болъё гэдэг зарчмыг тавьж байгаа” хэлсэн.

Үүнээс үзвэл МАН-ыг шинэчлэх гээд бай­гаа нөхдүүд авлига, хээл ха­хууль гэдгийг огт мэддэггүй бо­лолтой юм. Тиймдээ ч на­мынхаа хээл хахуульд автсан бохир нөхдүүдээс салахын түүс болж байгаа юм байлгүй дээ. Бүр лавшруулаад хардвал эд­гээр нөхдүүдийн ард хэн нэгэн цэвэр хүн байгаа  ч байж мэднэ. Ямар ч байсан МАН-ын залуус намынхаан бохир нөхдүүдийг цэвэрлэж, арилгахаар шийджээ. Гэхдээ өөрсдөө бохир байж алах вий дээ.
 
“Хадгаламж” банк нийт активаа “Төрийн банк”-нд шилжүүлж, үндсэндээ төрд шилжиж байгаа. Энэ асууд­лын гол зангилааг тайлж, “Жаст” группын Ерөнхийлөгч Ш.Батхүү мэдэгдэл хий­сэн. Тэрбээр “Хадгаламж” банк дам­пуураагүй гэдгийг ал­бан ёсоор онцолж, өөртэй нь холбоо­той асуудлуудад тайлбар хий­сэн. Тэгэхдээ “Олон овоот”-ын асуудал хууль хяналтын бай­гууллага руу очих байх гэд­гийг хэлсэн юм. Тэрбээр “Ашигт малтмалын газраас би­дэнд өгсөн А лиценз дээр “Олон овоот”-ыг алтны 18.5 тоннын нөөцтэй гэсэн. Тэр үед Ц.Мянганбаяр захирлаас энэ ордыг өртэй нь авахдаа “Бүх наймаа хийгдчихлээ. Гэрээн дээрээ 25 тонн гэсэн баталгаа гаргаж өглөө.

Адилхан бизнес хийж байгаа хүний хувьд асууя. Энд алт байгаа юу” гэж асуусан. Тэгэхэд Ц.Мянганбаяр “Бид өөрсдөө ухаж байсан. Алт бий” гэж хэлсэн ч бид хоёр жил ухахад дүгнэлт нь үсрээд л гурван тонн алт бий гэж гарч байна. Бизнес өөрөө эрсдэлтэй учраас тухайн үед би ингэж асуусан юм. Тэр газар нь ч өөрөө их сонирхолтой байсан. Би энэ рүү орсноороо 2012 оны тайлангаар “Олон овоот” 92 тэрбум төгрөгийн алдагдалтай гарсан.  Яаж ч бодсон хуурамч А лиценз үүсгэсэн асуудал байна. Учир нь би хоёр хадны дунд хавчуулагдчихаад байна шүү дээ. Нэг талаас ашигт малтмалын шинэ хүмүүсийн зүгээс “Энд байх ётой 20-иод тонн алт хаана байна” гэж байхад нөгөө талаас “Алтаа олборлож байж бидний зээлийг төлөөч ээ” гэж шахаж байна. Бид мэргэжлийн шинжээчдийг авчирч судалгаа хийлгэхэд 18.5 тонн алт байх ёстой газарт үсрээд л дөрвөн тонн нөөц батлагдаж байна. Ер нь миний хийсэн хамгийн том алдаа “Монгол газар” компанитай орооцолдсон явдал боллоо” хэ­мээн мэдэгдсэн.

Тэгэхээр цаа­шид “Олон овоот”-ын ордтой хол­боотой асуудлыг хууль хяналтын байгууллага шалгах нь бараг тодорхой болж байх шиг байна. Дээрээс нь А лиценз хуурамчаар үйлдсэн хэрэг үүсч, Алтны магнат гэгддэг Ц.Мянганбаяр захирал ч шалгагдаж магадгүй болчихоод байна. Ш.Батхүү захиралтай холбоотой хэрэг наанаа “Хад­галамж” банкаар халхавч хийж байгаа боловч цаанаа “Эр­дэ­нэт” үйлдвэрийн хуучин удирд­лагууд, “Монгол газар” ком­пани гээд багагүй газар авч ма­гадгүй юм.
 

Хаврын чуулган завсар­лаж, УИХ-ын гишүүд найр наадам хэсч, ам­ралтаа эдэлж яваа. Харин энэ зуур байнгын хорооны дарга нар хаврын чуулганаар хийж ам­жуулсан ажлаа өнгөрч буй до­лоо хоногт тайлагнасан. Тэр дундаас Төсвийн байнгын хо­рооны дарга Ц.Даваасүрэн нэ­лээд сонирхолтой зүйлсийг ярь­сан юм. Тэрбээр “Би хувьдаа төс­вийн хөрөнгө оруулалтын хэм­жээ, сан­хүү­жил­тийн хэм­­жээг буу­руулахгүй байх ёстой гэж үздэг хүн.
 

Дэлгэрэнгүйг энд  дар