Ариндам Дейвас хэмээх зурагчин Энэтхэгээр аялж байхдаа Рону Бегум охины зургийг авсан байна. Рону охин тухайн үед 1.5 настай байсан бөгөөд өвчний улмаас толгой нь жирийн хүнээс гурав дахин томорсон байна. Охины эцэг эх ядуу болохоор эмчилгээний зардал байхгүй, дэмий л харж суусан үед нь зурагчин эр охины зургийг авсан нь дэлхий нийтийн анхаарлыг татжээ. Улмаар охины эмчилгээнд 62 000 ам.доллар цуглаж, 10 удаагийн хагалгаа хийлгэсний дараа толгойн хэмжээ өмнөхөөсөө 1.5 дахин багассан байна.