УИХ-ын анхдугаар чуулган өнөөдөр хаалтаа хийлээ. Анхдугаар чуулганы хаалтын хуралдааны үеэр УИХ-ын дарга М.Энхболд намрын чуулганы өмнө ээлжит бус чуулганыг зарлан хуралдуулна гэдгээ мэдэгдэв.

Ээлжит бусыг хэзээ зарлан хуралдуулах нь тодорхойгүй ч 2016 оны төсөвт тодотгол хийж, 2017 оны төсвийн хүрээний мэдэгдэл, 2019 оны төсвийн төсөөллийн хуулийн төсөл, эдийн засгийг хөгжүүлэх тогтоолын төсөл зэрэг хуулиудыг хэлэлцэн батлахаар төлөвлөсөнөө хурлын дарга хэлсэн юм.