“Олон улсын аялал жуулчлалын мисс-2007” тэмцээнээс Азийн хатан хаан хэмээх өргөмжлөл хүртсэн загвар өмсөгч Г.Оюунгэрэлийг танихгүй хүн байхгүй биз ээ. БНСУ-ын алдартай загвар зохион бүтээгч Андрей Ким агсны ивээлд багтаж, загварын сургуульд нь сурахын зэрэгцээ томоохон агентлагт ажиллаж байсан. Энэ үеэрээ Солонгосын орчин цагийн хөгжмийн урлагийг атгаж яваа хуучин "Big bang" хамтлагийн  гишүүд болох GD, TOP нарын хамтарсан " HIGH HIGH" дууны клипэнд тэндэхийн загвар өмсөгчдийн хамтаар тоглосон байдаг. Өөрийн гэсэн загварын сургууль байгуулж, Солонгосын чадварлаг дизайнеруудтай хамтарч ажиллахыг хүсч явдаг модель бүсгүй амьдралынхаа ханиар УИХ-ын гишүүн Х.Бадамсүрэнгийн хүү Б.Бадрахыг сонгосон юм. Нэр алдар, хөрөнгө мөнгөтэй эрчүүдээс илүү энгийн зантай, ажил хэрэгч залууг хайрласан гэдэг.

“Миний нүдээр түүнийг минь хар гэж би албадахгүй. Гэхдээ энэ сонголт минь зуун хувь гэдэгт итгэлтэй байна” хэмээн Г.Оюунгэрэл өөрийнхөө хүрээллийн найз нөхөддөө учирлаж байсан удаатай.  Түүнийг бага байхад нь "чебурашка"-аа хэмээн хочилдог байжээ. Энэхүү хочийг ааваасаа авсан бололтой. Учир нь түүний аав хүнд их хоч өгдөг хүн байсан байна. “Миний нүдээр түүнийг минь хар гэж би албадахгүй. Гэхдээ энэ сонголт минь зуун хувь гэдэгт итгэлтэй байна” хэмээн Г.Оюунгэрэл өөрийнхөө хүрээллийн найз нөхөддөө учирлаж байсан удаатай.  маш олон хочтой бөгөөд тэдгээрээс “Чебурашка” хочиндоо ихэд хайртай” аж.

Түүнийг дотуур хувцасны модельд байх ёстой стандартыг хамгийн сайн хангадаг монгол модель хэмээн мэргэжилтнүүд үнэлдэг.

Тэрбээр ээж болоод удаагүй байгаа ч сайхан бие галбираа хадгалсан хэвээр байгаа билээ. Түүнийг сүүлийн үед нөхрөөсөө салсан гэх мэдээлэл цацагдсан ч цуурхал байсан нь батлагдсан. Өнгөрсөн сарын 31-нд болсон "Сүнс"-ний баяраар нөхрийн хамт Black Swan, Joker-ийн дүрд хувирсан гэрэл зураг хэвлэлээр гарсан юм. Энэ удаад түүний хувийн зургаас нийтэлж байна.

Д.Ана