Монголын рок попын түүхэнд 10 гаруй жил уран бүтээлээ туурвиж олон гайхалтай хит дуунуудаараа залуусыг байлдан дагуулсаар ирсэн “FREEZONE” хамтлаг энэ сарын 7-ны өдөр Улаанбаатар паласын концертын их танхимд 19:00 цагаас ганцхан удаа “ХОТЫН ХЭМНЭЛ” нэртэй амьд тоглолтоо үнэнч шүтэн бишрэгч, фенүүдээ зориулан тоглох гэж байгаа билээ.

 photo IMGM6624_zps2f770cc4.jpg

  Тэртээх 1998 оноос эхлэн өнөөг хүртэл бүтээсэн хит дуунуудаас түүрэвлэн зөвхөн шилдэг 28-н дуугаа эгшиглүүлэх “ХОТЫН ХЭМНЭЛ”  тоглолтынхоо талаархи дэлгэрэнгүй мэдээ мэдээллийг хүргэхээр эрхэм сэтгүүлчид болон үнэнч сонсогч, фенүүдээ оролцуулсан хэвлэлийн хурлаа өнөөдөр 12:00 цагаас "BRAUHAUS" ресторанд хийлээ.

 photo IMGM6687_zpsf7e45b37.jpg

   Хэвлэлийн хурлын үеэр хүрэлцэн ирсэн сэтгүүлчид болон үнэнч сонсогч, фенүүдээсээ азтаныг тодруулж 1998 оноос өнөөдрийг хүртэл хугацаанд гаргасан бүх цомгийнхоо цоморлигийг болон хос урилга бэлэглэсэн юм. Мөн бүх сэтгүүлчдэд “ХОТЫН ХЭМНЭЛ”  тоглолтоо сурвалжлах мандат олголоо.

 photo IMGM6681_zpse419563d.jpg

Мөн "Өвлийн шөнө" дууныхаа "Шилдэг ковер" - ын эзэнг шалгаруулж, ялагчаар "Universe best songs" наадмын шилдэг 25 оролцогчийн нэг болох Б:Тэлмэн тодорлоо.

 photo IMGM6677_zps66e9d699.jpg

Freezone хамтлаг үнэнч хайрын бэлгэ тэмдэг болсон "Хайрын мод"-ыг тоглолтын тодорхой орлого болон залуусын хандивын хөдөлгөөнөөр бүтээх болсноо зарлалаа. Урьдчилсан байдлаар энэхүү модыг Үндэсний цэцэрлэгт хүрээлэнд бүтээхээр төлөвлөжээ. Эрдэнэзуу хийдийн мөнгөн модны жижиг загварыг монголын шилдэг төмрийн дархчуулаар урлуулж байрлуулах аж. Залуус хайрттайгаа болон ханьтайгаа энэхүү модонд ирж цоож зүүн хайраа мөнхөд бөхлөхийг бэлгэдэх юм.

Олон улс оронд хайрын мод байдаг. Зарим оронд цоожин дээр хайртай хосуудын сэтгэлийг үгийг сийлэн тамгалдаг. Аажимдаа ийм жижиг үйлчилгээ ч нээгдэх байх гэж Freezone-чууд найдаж байна. Freezone хамтлаг хайр сэтгэлийн олон сайхан дуутай. Залуусын хайр дурлалын гэгээн нандин бүхнийг дуулдаг тэд хайрын модыг Freezone-ий дуунд дуртай залуусын хөг сэтгэлээр бүтээх нь ээ.

        photo IMGM6667_zps9f75c2b9.jpg  photo IMGM6664_zps416455a9.jpg  photo IMGM6662_zps7fa8daa8.jpg    photo IMGM6656_zps6d704fc2.jpg  photo IMGM6651_zps8fa33337.jpg  photo IMGM6649_zps2702ae50.jpg    photo IMGM6639_zpsde42b72f.jpg  photo IMGM6636_zps594e6a9b.jpg  photo IMGM6633_zpsb8edd99f.jpg   photo IMGM6626_zps9211e485.jpg