Монголын спортын түүхэнд амжилт гаргаж, гэрлэсэн тамирчин хос нэлээн бий. Тэдний гэрлэлтийн буухиаг чөлөөт бөхийн дэлхийн аварга С.Цэрэнчимэд үргэлжлүүлж байгаа юм. 

Түүний найз залуу нь жүдо бөхийн ОУХМ Л.Отгонбаатар бөгөөд хосууд маань өнгөрсөн бямба гарагт аав, ээж болцгоожээ. 

ОУХМ Л.Отгонбаатар жүдогоос гадна үндэсний бөх барилддаг. Архангай аймгийн Батцэнгэл суманд төрсөн тэрбээр бөхийн удамтай. Түүний төрсөн ах нь аймгийн арслан Л.Үйтүмэн улсын цолд ойрхон бөхчүүдийн тааварт жил бүр бичигддэг. С.Цэрэнчимэдийн найз залуу БНСУ-ын Инчён хотод зохиогдсон Азийн наадмын жүдогийн 90 кг-ийн жинд хүрэл медаль, самбо бөхийн ДАШТ-ээс мөнгөн медаль хүртэж байжээ._