Сар шинээр Монгол эрчүүд дээлээрээ гоёхоос илүүтэйгээр өөрсдийнхөө барьсан хөөргөөр гангардаг улс. Тэд биенийгээ барьсан хөөргөөр нь ч шинждэг гэлцдэг. Тэгвэл морин жилийн эрчүүдийг битгий хэл эмэгтэйчүүдийг барьсан хөөргөөрөө хуйлруулж байгаа нэгэн эрхэм бол Кёкүшюзан Д.Батбаяр тодорлоо. Тэрбээр энэ жил их гарын шүрэн хөөргөөр гангараад авчээ.

Түүнд энэхүү хөөргийг Хакүхо М.Даваажаргал өгч байсан гэнэ. Уг хөөргийг Япон тэнгисийн шүрээр урласан аж.  “Эрийн гурван наадам” буюу барилдаж буй бөх, давхиж буй морь, харваж буй харваачийн дүрс тус хөөрөгнөөс харагддаг гэнэ шүү.

Төрийн ордонд золголт болох үеэр Д.Батбаярын хөөргийг хүмүүс шагшин магтаад бүүр хажууд нь  дунд гарын хөөрөг барин зургийг нь хүртэл авсан байх юм.

 

 

Д.Ана