Дэлхийн загварын ертөнцөд Монголоос цахиур хагалан амжилттай яваа авьяаслаг  дизайнер бол Катяа Зол буюу Золцэцэг билээ. Тэрбээр "New York Fashion week"-д хоёрдохь удаагаа оролцож байгаа юм. Чадварлаг дизайнер хэмээн олонд хүндэлэгддэг бүсгүй маань энэ жил олны нүдийг өөрийн загварууд дээрээ татсан бүтээлүүдээрээ олон улсын дизайнеруудтай өрсөлдсөн.

Өнгөрсөн оны зургадугаар сарын 14-17-нд  Арабад болсон “Fashion me” үзэсгэлэн худалдаанд тэрбээр эх орноо төлөөлөн амжилттай оролцсон юм. Уг загварын шоунд олон улсын хэмжээний 20 гаруй загвар зохион бүтээгчид 5000 гаруй үзэсгэлэн сонирхогчид, дэлхийн 30 гаруй хэвлэл мэдээллийг хамарсан. Энэ үеэрээ Монгол брэнд болсон ноолууран бүтээгдэхүүнээ таниулан сурталчилж Араб үндэстэнд зориулан коллекц гаргаж байсан удаатай. Мөн тус шоунд “Киви” хамтлаг болон Монголын моделиуд хамтран Монголынхоо нэрийг дэлхийд таниулаад авсан. 

Ингээд уншигч та бүхэндээ Катяа Золын урласан бүтээлийг толиулуулж байна.