“Архидан согтуурахтай тэмцэх” тухай хуулийн шинэчилсэн найруулгын төслийн хэлэлцүүлгийг Л.Эрдэнэчимэг гишүүн ирэх дөрөвдүгээр сард УИХ-д өргөн барихаар зэхэж байгаа билээ.

Тэгвэл Монголын худалдаа эрхлэгчдийн нэгдсэн холбооны гишүүд Архидан согтуурахтай тэмцэх хуулийн төслийг эсэргүүцэж буйгаа илэрхийлэн мэдээлэл хийсэн юм. 

Монголын худалдаа эрхлэгчдийн нэгдсэн холбооны тэргүүн Н.Мөнхтуяа: "УИХ-ын гишүүн Л.Эрдэнэчимэгийн санаачилсан энэхүү хууль нь 7 мянга орчим худалдаа эрхлэгчийг дампууруулж магадгүй болоод байна. Бид архи, согтууруулах ундаанаас л хэдэн төгрөгийн ашиг олдог. Архи зардаг дэлгүүрийн тоог цөөрүүллээ гээд архидалтыг бууруулж чадахгүй. Хэрэв хууль батлагдвал олон мянган худалдаа эрхлэгч, тэдгээрийн гэр бүлийнхний эрх ашигт сөргөөр нөлөөлнө" хэмээн мэдэгдлээ.

Х.Даваа