Төр нийгмийн зүтгэлтэн Г.Батхүү агсаны төрсөн дүү П.Батчимэг ийнхүү бичжээ. Г.Батхүү агсаны том хүү Б.Ганхөлөг, том охин Б.Цэлмэг нар хэвлэлийн бага хурал хийсэнээсээ хойш дайралт, доромжлол хангалттай амсав.

Тэд шударга ёс шаардан ард түмнээсээ дэмжлэг хүссэн. УИХ-ын гишүүнээсээ эхлээд жирийн иргэн ч хууль хяналтын байгууллагад саадгүй шалгуулдаг байх тухай хөндсөн. Гэтэл

"Эцгийнхээ үхлээр нэр хүндэд гарах гэсэн"

гэдэг аймшигтай үгс сонсож байна. Хүнээ алдсан гэр бүлд "МАК" ХХК-ийн өв залгамжлагч нар яасан хатуу үгс хэлэх болов. Хэн ч түүний ахыг "гэм буруутай" гээгүй. Нэр төртэй шалгуулахыг л хүссэн юмсан.