Хаврын тэргүүн сарын шинийн 1-ний өглөө Хийморийн овоонд шашны зан үйл хийх үйл ажиллагаа явуулахгүй болохыг Богд хан уулын дархан цаазат газрын хамгаалалтын захиргаанаас мэдэгдлээ.

Ийнхүү шинэ коронавирусын халдвараас сэргийлэх хүрээнд сар шинийн баярыг өргөн хүрээнд тэмдэглэхгүй байх, олон нийтийг хамарсан золголт, арга хэмжээ зохион байгуулахгүй байх тухай Ерөнхийлөгчийн гаргасан зарлиг болон Засгийн газрын тогтоолын хүрээнд цагаан сартай холбоотой бүх арга хэмжээг цуцалсаар байна.