Мэргэжлийн хяналтын газар хэзээ шалгах вэ?

“The Bull” манайдаа “тансаг”-т тооцогдох ресторан. Халаас нимгэн нэгэнд тэр бүр ороод байж чадахааргүй газар гэж болно.

Нэгдүгээр зэрэглэлийн, стандартын биелэлт 98 хувьтай хэмээн танилцуулга дээр нь дурдсан энэ ресторанаар үйлчлүүлэх хүмүүсийн хөл тасардаггүй. Халуун тогооны хоолны гайхамшигийг жинхэнэ утгаар нь мэдрүүлнэ, бvтээгдэхvvний амин дэмийг алдагдуулахгуйгээр хийж, үргэлж шинэхэнээр нь зочдынхоо ширээнд хүргэдэг хэмээн рекламддаг энэ газрынхан “жоомтой” орчинд үйлчлүүлэгчээ хүлээн авч бас үйлчилж байна.

Уг салбар нь МУИС-ын 2 дугаар байрны урд талын “The bull” ресторан юм.

Тодруулбал: Үйлчлүүлэгч хоолоо идээд сууж байхад, ханан дээр нь “бор хүрэмтэй жоом” ноёнтон гүйлдэж байх юм. Инйхүү энэ байдлыг харж, дургүйцсэн хэрэглэгч менежерийг нь дуудан уулзахад “уучлаарай тохиролцъё” хэмээн хэлсэн гэдэг. Уучлаарай танай ресторан гаднаа гяланцаг, дотроо паланцагийн үлгэрт өртсөн бололтой. Ийнхүү өндөр үнэ, дээд зэрэглэлийнх гэдэг “The bull” рестораныг Мэргэжлийн хяналтын газар шалгаж, эрүүл ахуйг нь хангахгүй бол “жоом “ гэдэг амьтан халдварт өвчний эх үүсвэр билээ. Бид энэ талаар эргэн мэдээллэх болно.