Дубайн гэрээг батлахдаа улсад их хэмжээний хохирол учруулсан байж болзошгүй хэргээр экс Ерөнхий сайд асан Ч.Сайханбилэг нарыг АТГ-аас шалгаж байгаа.

Ерөнхий сайд асан Ч.Сайханбилэг мөрдөн байцаалтын явцад хуулийн байгууллагын зөвшөөрөлтэйгөөр хилийн чанадад эмчилгээ хийлгэхээр явсан ч ирэх хугацаа нь удаа дараа хойшлогдсон тул “оргон зайлсан” үндэслэлээр интерполоор эрэн сурвалжилж эхэлсэн  юм. 

Тэгвэл тэрбээр өнгөрсөн шөнө эх орондоо ирлээ гэх мэдээлэл тараад буй. Энэ талаар тэрбээр жиргээнд, Дөнгөж онгоцноос буугаад шүүхээс АН-ын дүрмийг зөвшөөрсөн сайхан мэдээ сонслоо. Эх орондоо эргэн ирэх сайхан байна. Миний Монгол түмэн минь сайн сууж байв уу? хэмээн бичжээ. Харин энэ хуурамч хаяг байсан бөгөө тэрбээр эх орондоо ирээгүй

Ч.Сайханбилэг шүүхээс зөвшөөрсөн хугацаагаа гурван удаа хэтрүүлсэн тул түүнийг мөрдөн байцаалтын явцад оргон зайлсан гэж үзэн АТГ-аас албан ёсоор эрэн сурвалжилж буй. Тэрбээр эх орондоо тодорхой хугацаанд ирнэ гэсэн амлалт өгсөн ч өдийг хүртэл ирээгүй байна.