Гэгээн Ширээт Улсын Төрийн тэргүүн Пап Францис манай улсад дөрвөн өдрийн төрийн айлчлал хийхээр өнөөдөр хүрэлцэн ирээд байна. Түүнийг 10:00 цагийн үед Чингис хаан олон улсын нисэх буудалд угтан авлаа. Үүний дараа айлчлалаар ирсэн зочид, төлөөлөгчдийн цувааг Энхтайваны өргөн чөлөөгөөр эрүүл мэнд болон хууль хүчний байгууллагуудын өндөр хамгаалалттай явуулсан юм.

Манай улсад айлчилж буй тэрбээр Hyundai Equus маркийн хувийн автомашинтайгаа иржээ. Айлчлалаар түүнийг дагалдан тус улсын ерөнхий сайд, гадаад харилцааны сайд болон бусад ажлын албаны өндөр албан тушаалтнууд тэргүүтэй 200-аад хүн ирсэн юм. Уг айлчлалын багт олон улсын 150-аад хэвлэл мэдээллийн ажилтан хүрэлцэн иржээ. 

Есдүгээр сарын 2-нд Д.Сүхбаатарын талбайд Пап Францисыг угтан авсны дараа ерөнхийлөгчтэй уулзалт хийнэ. Харин УИХ-ын дарга, ерөнхий сайд нар Гэгээн Ширээт Улсын Төрийн тэргүүн Пап Францист бараалхах аж. 

Монгол Улс Гэгээн Ширээт Улстай 1992 оны дөрөвдүгээр сарын 4-нд дипломат харилцаа тогтоосон. Монголын талаас нийт 1992, 1993, 2000 онд хоёр удаа, 2011 нийт таван удаа Гэгээн ширээт улсад айлчлал хийж байв. 

Ватиканы тал 1993 онд хүмүүнлэгийн тусламжаар манай улсад 1,000 киллограм эмийн зүйл, эмнэлгийн материал, 1996 оны хавар гарсан ой, хээрийн түймрийн хохирлыг арилгахад 31,000 ам.долларын хандивыг  өгчээ.  Манай улсаас Ватиканы бүрэн тэтгэлгээр 1992 оноос хойш Филиппинд ес оюутан, Италид хоёр оюутан суралцсан байна