УИХ-ын гишүүн асан Ж.Батзандан Эрдэнэт, Хөвсгөл, Булганд нэр дэвшихээр мандатаа авч чадлаа хэмээн мэдэгдлээ. Тэрбээр АН-аас Ерөнхийлөгч асан Х.Баттулгатай хамтдаа ийнхүү сонгуульд хүч үзэхээр болж байна. 

Тэрбээр нэр дэвших эсэхээ шийдэгдээгүй байх үед "Шинэ намаасаа нэр дэвшсэн бол би ёстой жинхэнээсээ санал хуваана шүү дээ. Тиймээс би Шинэ намаасаа найзуудаа дагуулаад АН-д албан ёсоор гишүүн болж ирсэн. 10 тойрогт санал хуваахгүйгээр эвлэлдэн нэгдэж, ялалт байгуулна. АН өмнө нь хөөдөг, туудаг байсан бол одоо эвлэлдэн нийлүүлдэг дүрэмтэй болсон. Би намын жагсаалтаар орохгүй, намаас тойрог өгвөл маш сайн тулалдана. Цэнхэр тугийг босоо байлгахын төлөө сайн ажиллана" хэмээн ярьсан юм.