Баяр наадмын өдрүүдэд буюу долоодугаар сарын 10-15 өдрүүдэд бүх нийтээр амарна. Монгол Улсын Бүх Нийтээр тэмдэглэх баярын болон тэмдэглэлт өдрүүдийн тухай хуульд зааснаар Үндэсний их баяр наадмаар зургаан хоног амардаг болсон.

Тус хуулийн 4.1.1-т зааснаар “Хуульд өөрөөр заагаагүй бол Үндэсний их баяр наадам, Ардын хувьсгалын ойн баяр: долоодугаар сарын 10,11,12,13,14,15″ гэж заасан байдаг. 

Үүний дагуу бүх нийтийн амралтын өдрүүд өнөөдрөөр өндөрлөж байна. Маргаашаас эхлэн албан байгууллагуудын үйл ажиллагаагаа энгийн цагийн хуваарийн дагуу үргэлжилнэ.