"Парис 2024" олимпын эрх олгох тэмцээнд эмэгтэйчүүдийн 62 кг-д П.Орхонд ялагдсан БНСУ-ын тамирчин И Хан Бит Францыг зорих болсныг "Yonhap News" өчигдөр мэдээлсэн гэх албан бус мэдээлэл цхим орчинд тараад буй.

Тэгвэл энэ мэдээлэл нь ХУДАЛ мэдээлэл болохыг Монголын Чөлөөт бөхийн холбооны хэвлэлийн төлөөлөгч мэдэгдсэн байна. Тэрбээр энэ талаар цахим хуудастаа тайлбар хийхдээ, 

Парис хотод бороотой нэгэн өглөө эхэллээ. Манай баг тамирчид амар жимэр, бэлтгэл сургуулилтаа хийгээд энд бүх зүйл маш сайн байна.

Цуурхлыг газар авхуулалгүй мэдээлэлд шүүлтүүртэй хандахыг та бүхнээс хичээнгүйлэн хүсье!

Мэдээллийн зарим сайтуудаа!!! Та нар баг тамирчдадаа тус нэмэр болдоггүй юм гэхэд гай болохгүй байхыг чин сэтгэлээсээ хүсье!

Сонссон зүйлээ эх сурвалжаар баталгаажуул, баримт нотолгоотой зүйлийг олон нийтэд түгээх мэргэжлийн зарчмаа барь. Нийтийн сэтгэл зүйгээр тоглож, баг тамирчдад сөргөөр нөлөөлөхөө болино уу!

Парист бүх зүйл маш сайн байна! Дахин хэлье, энд сайтуудаар гараад байгаа шиг зүйл огт, юуууууу ч болоогүй ээ. Ямар ч асуудал алга гэдгийг дахин дахин хэлье. Баярлалаа! хэмээжээ. 

Ямартаа ч тамирчин бүсгүйн талаар Өмнөд Солонгосын хэвлэлүүд ТАШАА мэдээлэл гаргасан нь энэ ярианы эхлэлийг тавьжээ. 

"Yonhap News" өчигдөр мэдээлжээ. Энэ талаар тус агентлагийн сэтгүүлчид тамирчин бүсгүйгээс утсаар тодруулга авахад "Өдрийн хоолны цагаар олимпод оролцох болсноо мэдлээ. Маш их баярлаж байна" гэж ярьжээ. 

Өмнөд Солонгосын бөх И Хан Бит өнгөрсөн дөрөвдүгээр сард Киргизийн Бишкек хотноо болсон олимпын эрх олгох тэмцээнд манай тамирчин П.Орхонд 0:4-өөр ялагдсан билээ.