Орон нутгийн сонгуульд саналаа өгөөд буцаж явсан таван оюутан Говь-Алтай аймгийн Дэлгэр суманд осолдож 2 оюутан нь газар дээрээ нас барж, 3 оюутны биеийн байдал хүнд аймгийн нэгдсэн эмнэлэгт хүргэгдсэн талаар орон нутгийн Алтайн телевиз мэдээллээ.
Мөн эх сурвалжийн хэлснээр 18-20 насны 1-3 курсын оюутнууд өөрсдийн унаагаар зорчиж явсан гэв.

Энэ талаар ЦЕГ-н хэвлэл мэдээллийн албанаас өгсөн тодруулгаар, дуудлага мэдээллийн дагуу тус аймгийн цагдаагийн газрын шуурхай бүрэлдэхүүн хэргийн газарт очиж хойшлуулшгүй ажиллагааг явуулахад Говь-Алтай аймгийн Дэлгэр сумын Баян-Өндөр багийн нутагт “Toyota sai” маркийн авто машин замын зорчих хэсгийн баруун тал руу гарч осолдсоны улмаас тухайн тээврийн хэрэгсэлд зорчиж явсан таван иргэнээс хоёр иргэн нас барж, хоёр иргэн гэмтэж, эмнэлгийн тусламж авсан байна.