Баянзүрх дүүргийн 26 дугаар хороонд байрлах "Crystal town" хотхонд лифт унасан тухай мэдээлэл цацагдаад буй.

Энэ талаар ЦЕГ-аас тодруулахад "Өчигдөр буюу энэ оны аравдугаар сарын 28-ны өдөр Баянзүрх дүүргийн 26 дугаар хороонд байрлах "Crystal town" хотхоны 801 дүгээр байранд лифтний тросс тасарч, унасан тухай дуудлага ирсэн. Дуудлагын дагуу очин шалгахад унасан лифтэнд хүн байгаагүй. Ямар шалтгааны улмаас унасан тухай бид мөрдөн шалгаж байна" гэв.