Сурагчдын амралт эхлэхтэй холбогдуулан иргэдийг цэвэр агаар, ой модтой амралт, жуулчны баазууд руу хүргэх нийтийн тээврийн автобус явуулах тусгай маршрут, хугацаа, төлбөрийн талаар энэ сарын 15-наас санал авч эхэлсэн билээ.

Санал асуулгад оролцсон иргэдийн дийлэнх нь Тэрэлж болон Скай ресорт руу гэр бүлээрээ агаарт гарах хүсэлтэй байгаагаа илэрхийлсэн байна. 

Харин автобусны үнийн хувьд 1,000 төгрөг, автобусны цагийг 10:00-11:00 байх нь зөв гэжээ.

Бямба гараг буюу 12 дугаар сарын 21-ний өдрөөс Сүхбаатарын талбайгаас Скай ресорт, Офицеруудын ордноос Тэрэлж рүү нийтийн тээврийн автобус явуулахаар төлөвлөж байгааг НЗДТГ-аас мэдээллээ.