Арванхоёрдугаар сар айлчлан ирэхтэй зэрэгцээд байгууллага хамт олноороо хуучин оноо дүгнэж, шинэ оноо угтах шилдгүүдээ шалгаруулах гээд өдөр алгасахгүй шинэ жилийн баярын хүлээн авалт болдог билээ. Тэгвэл ХУШХАН брэндийн хамт олон шинэ жилийн баяраа шинэ соёлыг нийгэмд түгээх нь ээ.

Тодруулбал, "De Facto" нэртэй ТВ-ийн ярилцлага хөтлөгч, эдийн засагч Д.Жаргалсайхан "Байгууллагууд шинэ жилээ өргөн дэлгэр тэмдэглэж, нилээдгүй зардал гаргадаг. Харин энэ жилээс энэ соёл өөрчлөгдөж байгаа бололтой.

Хушханыхан "Шинэ жил тэмдэглэхгүй, хэмнэсэн төсвөөрөө бага сургуулийн 860 хүүхдийн Үдийн хоолны бүтэн жилийн самрын хэрэглээг даана. Бас бүх ажилчддаа урамшуулал өгнө" гэж бизнес хөгжлийн захирал Л.Баваасан хэллээ. Энэ бол маш сайн жишиг. Ер нь бид баяруудыг цомхон тэмдэглэж, Цагаан сар, Наадамаа л өргөн дэлгэр тэмдэглэмээр байгаа юм" хэмээн шинэхэн бөгөөд өгөөжтэй шинэ жилийн бэлэгний талаар жиргэжээ. 

Түүний энэхүү жиргээ олон хүнд хүрсэн бөгөөд Хушхан брэндийнхэнд сайн зөв уриалгатай жишиг нийгэмд тогтоож буйд нь жиргээчид ам сайтай байна.