Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхээс 2025.12.18-ны өдөр шүүгдэгч Х.Х нарын нийт 9 хүнийг мөнгө угаасан хэрэгт гэм буруутайд тооцжээ.

Тодруулбал, Мөрдөн шалгах ажиллагааны явцад их хэмжээний татвар төлөхөөс зайлсхийсэн 26 аж ахуйн нэгжийн хуурамчаар бүрдүүлсэн санхүүгийн тайланд Тагнуул болон Татварын байгууллага хамтран шалгалт явуулж 34 тэрбум төгрөгийн зөрчлийг илрүүлсэн.

Үүнээс 20 гаруй тэрбум төгрөгийг мөрдөн шалгах ажиллагааны явцад улсын төсөвт нөхөн төлүүлж хэргийг шүүхэд шилжүүлсэн аж. Шүүхээс гэмт хэрэг үйлдэж олсон 3 тэрбум төгрөгийг шүүгдэгч нараас гаргуулж улсын орлого болгохоор шийдвэрлэсэн байна.