ЭМДЕГ-ын дарга асан Л.Бямбасүрэнд холбогдох эрүүгийн хэргийн анхан шатны шүүх хурал Баянгол, Хан-Уул, Сонгинохайрхан дүүргийн эрүүгийн хэргийн анхан шатны тойргийн шүүхэд өчигдөр болж, шийдвэрээ танилцууллаа.

ШҮҮХИЙН ШИЙДВЭР: 

Шүүгдэгч Л.Бямбасүрэнг эрүүгийн хуулийн 22.4-3-д зааснаар улс төрд нөлөө бүхий этгээдээр ажиллаж байхдаа нийтийн албан тушаалтан хахууль өгөгчийн ашиг сонирхлын үүднээс гүйцэтгэх ёсгүй үйлдлийг хийхийн тулд их хэмжээний хахууль авах гэмт хэрэгт гүйцэтгэгчээр хамтран оролцсон гэм буруутайд,

Эрүүгийн хуулийн 18.6-2.1, 18.6-2.3-д зааснаар албан тушаалтан албаны чиг үүрэг, бүрэн эрх нөлөөг урвуулан ашиглаж энэ хуулийн тусгай ангийн хорих ялын доод хэмжээг таван жилээс дээш хугацаагаар тогтоосон гэмт хэргийн улмаас олсон хөрөнгө орлого гэдгийг мэдсээр байж түүний хууль бус эх үүсвэрийг нуун далдлах зорилгоор шилжүүлсэн, түүний эх үүсвэрийг нуун далдалж мөнгө угаасан гэм буруутайд тооцжээ.

Л.Бямбасүрэнг эрүүгийн хуулийн 22.4-3-д зааснаар нийтийн албан ажиллах эрхийг бүх насаар хасаж, 12 жилийн хугацаагаар хорих ял, эрүүгийн хуулийн 18.6-2.1, 18.6-2.3-д зааснаар нэг жилийн хугацаагаар хорих ялаар шийтгэжээ. 

Мөн шүүхийн шийтгэх тогтоол гардаж авснаас хойш шүүгдэгчийн өмгөөлөгч давж заалдах шатны шүүхэд гомдол гаргах эрхтэй гэв.