Түүний нотолж буйгаар Засгийн газрын бүтэц, бүрэлдэхүүнтэй  холбоотой асуудлаар УИХ дахь Ардчилсан намын бүлгээс байгуулагдсан ажлын хэсэг, УИХ дахь МАН-ын бүлгээс байгуулагдсан ажлын хэсгүүд  зөвшилцөж чадахгүй байгаа аж. Тодруулбал Ардчилсан нам Шинэ Засгийн газрыг  16 яам, 19 сайдтай байх ёстой гэж үзсэнтэй холбоотой гэнэ. Харин  МАН-ын хувьд одоогийн бүтцээ ерөнхийд нь хадгалахын сацуу Хөдөлмөрийн яамыг Хүн амын хөгжил нийгмийн хамгааллын яаманд нэгтгэх санал гаргажээ.

Мөн тэрээр : "Хэлэлцээрийн үеэр аль нам хэдэн яам авах вэ? Гэх мэтийн зүйл ярих нь утгагүй. АН-ын ажлын хэсгийн ахлагч,  УИХ-ын гишүүн М.Батчимэгийн өмнө нь хэлсэнчилэн УИХ-дахь суудлынхаа тоогоор Засгийн газрын бүтцийг бүрдүүлэх  нь зөв. Үүний дагуу бол  Ардчилсан намд 8, МАН-д 6, МАХН-МҮАН-ын “Шударга ёс” эвсэлд 2 сайдын суудал ногдоно. ИЗНН-ын хувьд парламентад хоёр л суудалтай бүлэг ч үгүй учраас нэг сайдын суудал ч өгөх боломжгүй” гэв.

УИХ-д Ардчилсан нам 34 суудлыг авсан, энэ нь 7.6 хувь, МАН 26 суудалтай 5.7 хувь, МАХН, МҮАН-ын “Шударга ёс” эвсэл 11 суудалтай 2.4 хувийг бүрдүүлж байгаа аж.

Э.Мягмар