Багаасаа одоогийн хүүхдийн ордон тухайн үеийн Монголын пеонерийн ордоны драмын дугуйланд явдаг байсан жүжигчин бол О.Гэрэлсүх. Тэрбээр жүжигчний гараагаа  “Амьдралын нахиа”-гийн архичин эрийн хүүгийн дүрд тоглож эхэлж байсан. 2008 онд Солонгост найруулагчаар суралцаж төгсч ирээд  тэрбээр SBN телевизийн бүтээл "Гэр" олон ангит кинонд топ модель Д.Одгэрэлтэй гэр бүл болж өнөр өтгөн айлын өрхийн тэргүүн болж тоглосноор нь үзэгчид андахгүй.

Үүний дараа нийгмийн хамгийн сэтгэл эмзэглүүлсэн сэдэв болох эмэгтэйчүүдийн хүчирхийллийн эсрэг зоригтой дуугарсан “Навчаа” фильм студийн бүтээлд сайхан хүүхнүүдтэй үргэлж хамтран тоглодог О.Гэрэлсүх гол дүрийг бүтээсэн билээ. "Ларьдма" кинонд хартай нөхрийн дүр бүтээсэн юм. Тэрбээр энэ кинонд соёлын тэргүүний ажилтан топ модель Д.Пүрэвсүрэнд хэдэнтээ гар хүрдэг хэсгүүд бий.

Тэгвэл харахад нүдэнд дулаахан энэ залуу, хамгийн сайхан бүсгүйчүүдэд гар хүрч, дүрдээ орохоороо үнэхээр зэрлэг харагддаг хэмээн үзэгчид түүнийг шүүмжлээд байгаа гэнэ.

Жүжигчин залуу саяхны нэгэн ярилцлагадаа “Ларьдма”-д тоглосноос хойш хүмүүс надад нэлээд дургүй болсон, заримдаа эвгүй харах нь энүүхэнд болсон. Зарим нэг нь бүр хажууд зогсохоос хүртэл цэрвээд байх шиг хандлага ажиглагдаад байгаа. Дуугүй царайлчихаад ер нь цаагуураа эхнэрээ дарамталдаг байх шүү гэж ярьж байхыг хүртэл сонссон” гэжээ.

Жүжигчин, найруулагч залуугаас бүтээсэн дүрээс нь  болоод  бүсгүйчүүд их л  цэрвэдэг болсон бололтой.

Д.Ана