Монголын загварын ертөнцийн хамгийн нэр хүнд бүхий “Гоёл” наадмын энэ жилийн тэргүүн дээд шагнал "Топ модель" өргөмжлөлийг “Гоёл 2013” наадмын "Шилдэг загвар өмсөгч" өргөмжлөлийн эзэн, монголын дизайнеруудын холбооны загвар өмсөгч С.Ариунбилэг хүртлээ.

   С.Ариунбилэг нь “Miss World-2005” тэмцээний “Q miss” өргөмжлөл, “Мисс Интернэшнл-2006” тэмцээний “Олны таашаал хүртсэн мисс” өргөмжлөл, “Монголын сайхан бүсгүй-2007” тэмцээний “Ган-Эрдэнэ” өргөмжлөл, “Miss World Univercity-2007” тэмцээний “Хүмүүнлэгийн мисс” өргөмжлөл тус тус хүртэж байсан нэгэн юм. Мөн “Miss World”, “Miss World Univercity”, “Miss International”, “Miss Continental” гэх мэт олон улсын олон арван тэмцээнүүдэд эх орныхоо нэрийг гаргаж яваа авъяаслаг нэгэн билээ. Ингээд шинэхэн "ТОП МОДЕЛЬ"-доо нийт уншигчдынхаа өмнөөс халуун баяр хүргье.