Дөрвөн сар хамт амьдарсан найз залуудаа 48 цагийн турш зодуулан харамсалтайгаар хорвоог орхисон 21 настай бүсгүйн араас олон хүн гашуудаж олон аав ээж халаглаглан ярьж байгаа. Гэр бүлийн хүчирхийлэл, балмад эрсийн харгис авирт түүн шиг хэчнээн бүсгүй тамлагдаж байгааг хэлэхэд бэрх энэ хэцүү нийгэмд урлагийнхан ч гэсэн сэтгэл түгшүүртэй яваагаа нуухыг хүссэнгүй.

"Ану хатан" түүхэн сэдэвт уран сайхны киноны гол дүрд тоглосон "Voice" группын дуучин Д.Отгонжаргал өөрийн цахим хуудаснаа "Тэр Алтанхүү гэдэг балиар хулгайчийн гарт амь насаа алдсан охин юутай их харамсалтай вэ. Тэр балиар хүн гэж хэлэхэд хэцүү новшид хөөрхий охины өвдөлт зовиур, сэтгэлийн зовлонг нь мэдрүүлэхсэн. Шүүх эмнэлгийн дүгнэлт одоо яаж гарч байгаа юм бэ. Бараг тэр охин өөрөө өөрийгөө алчихсан юм биш үү. Тэгээд тэр балиар хулгайч нь аврах оролдлого хийсэн гэж гарч байгаа юм биш үү. Хүний эрхийн хуульч Ичинноров хатагтай энэ хэрэг дээр маш амжилттай ажиллаж, гэм хийсэн хүнд нь яг тохирох шийтгэлийг нь хүлээлгэж чадна гэдэгт бат итгэж байна. Төрүүлсэн, эрүүл саруул үрээ хүний гарт санаанд оромгүйгээр алдана гэдэг бол дэндүү харамсалтай явдал. Аймшигтай... Монгол Улсын хууль хяналт, шүүх нь ард түмэндээ хэр үнэн үнэн зөв, эсвэл шударга бусаар үйлчилж байгааг одоо л харцгаая" гэж өөрийн дуу хоолойгоо хүргэлээ.

Ид хийж бүтээх насандаа харгис нөхрийн гарт амиа алдсан бүсгүйн араас олон эмэгтэйчүүд гашуудаж, эмгэнэж буй. Гэтэл энэ явдлыг энгийн нэгэн иргэн хүртэл 48 цаг зодуулсан эмэгтэй хүн яаж тэсэх вэ дээ гэж байхад яаж гадны нөлөөгүй нас барсан гэж хэлж чадаж байна аа хэмээн дуу алдан шүүх эмнэлгийн дүгнэлтийг эсэргүүцэж байгаа олон хүмүүс Дуучин Д.Отгонжаргалаар ч дуусахгүй олон бий.

 

Д.Ана