Хоёрдугаар сарын эхний 21 өдрийн байдлаар зэсийн үнэ 6755-7159 ам доллар тонны хооронд хэлбэлзэж,  дунджаар 7028 ам доллар тонн байгааг мэргэжилтнүүд мэдээлэв.  Хоёрдугаар сар гарсаар зэсийн үнийн хэлбэлзэлд ам долларын ханшийн өөрчлөлт голлон нөлөөлж байна.
     Сүүлийн өдрүүдэд ам долларын ханш суларсан учир зэсийн үнэ дахин 7000 ам долларыг давж өссөн талаар Metal Bulletin-ий судлаач Dalton Barker мэдээллээ. Тэрээр Хятад болон АНУ-ын эдийн засгийн мэдээлэл нааштай байсан нь ч үнэ өсөхөд нөлөөлсөн талаар мэдээлэлдээ дурьдлаа. 2017 онд дунджаар 8.206 ам доллар фунт буюу 18091 ам доллар тонн байсан молибдены оксидийн үнэ 2018 он гарсаар дунджаар 10.5 ам доллар фунт болон 23148 ам доллар тонн байна.