УИХ-ын 2016 оны сонгуульд нэр дэвшигчдийг АН, МАН, МАХН өнөөдөр бага хурлаараа тодруулах гэж байнйа. Одоогийн байдлаар МАХН-ын "бага чуулган" хуралдаж байна. Харин МАН-ын Удирдах зөвлөл хуралдаж дууссан. Одоо МАН –ын 5-р бага хурлын ирц бүрдэхийг хүлээж байна. Ирц бүрдэж байх үеэр МАН-ын бага хурлын гишүүдээс тодруулга авлаа.

Ж.Энхбаяр: Монгол улсын хэмжээнд өнөөгийн хямралт нөхцөл байдлаас гаргах чадвар бүхий мэргэжлийн туршлага бүхий багийг сонгуульд илгээж байгаа. Миний хувьд намаас үүрэг өгч Улаанбаатар хотын Баянзүрх дүүрэгт нэр өрсөлд гэсэн үүрэг өгсөн. 2012 оны сонгуульд бид хотод ялагдал хүлээсэн. Бид энэ алдаагаа залруулах ёстой. Бид Улаанбаатар хотод ялах ёстой. Монгол улсыг өнөөгийн эдийн хүндрэлээс гаргахад Улаанбаатар хотын ялалт шийдвэрлэх үүрэгтэй намын бодлогын дагуу Баянзүрх дүүрэгт нэр дэвшиж байна.

Ж.Цолмон: Манай нам 20 улс төрчийг сонгуульд нэр дэвшиж байгаа. Энэ тоогоороо манайх улс төрийн бусад хүчнээ манлайлж байгаа.

-МАН эмэгтэй нэр дэвшигчдээ дандаа ялах боломжгүй “үхлийн” тойрогт нэр дэвшүүлж байгаа. Таны хувьд аль тойрогт нэр дэвшиж байгаа вэ?

- За яахав, ний нуугүй хэлэхэд тэр тал дээр тиймэрхүү асуудал байгаа. Миний хувьд маш хатуу байр суурьтай байгаа. Байр сууриа өөрчлөхгүй. Хөвсгөл аймагт нэр дэвшинэ. Хүн өөрийнхөө зорьсон тойрогтоо ялалт байгуулахын төлөө зүтгэх ёстой гэж ойлгож байгаа. Миний хувьд 2005 оноос Хөвсгөл аймагт нэр дэвшиж, ажилласан. Эрүүл мэндийн дэд сайд хийж байхдаа Хөвсгөл аймагт олон жил ажилласан учраас миний хувьд Хөвсгөл аймгийг сонгосон.

Бид МАН-ын V бага хурлын талаар шуурхайгаар мэдээлэх болно.

А.Баярмаа