Манай улсад хүнсний аюулгүй байдал алдагдсан гэдгийг хэн хүнгүй зөвшөөрдөг. Энэ нь үйлдвэрлэгч компаниуд хэрэглэгчийн эрүүл ахуйд таарсан, аюулгүй хүнсний бүтээгдэхүүн үйлдвэрлэхгүй байгаатай холбоотой.
 
Хиамнаас гялгар уут, талхнаас тамхины иш зэрэг гарсан гэх мэдээллүүд ар араасаа хөвөрдөг. Тэгвэл энэ удаа хүнсний манлай үйлдвэр, хэрэглэгчдийн найдвартай түнш өргөмжлөлт "Ноён" пиццанаас нарийхан урт төмөр гарсан байна.
 
Баянзүрх дүүргийн дугаар хорооны иргэн Х-гийн гэр бүл "Ноён" пиццаны салбараас гэртээ дуудлагаар авч ирүүлсэн пиццаг бага насны хүүхэд идэж байгаад хоолойгоо зүсэх шахсан байна. Азаар хүүгийн хоолой гэмтээгүй байна.
 
Гэвч өдөр шөнөгүй өөрсдийгөө рекламддаг "Ноён" пиццаны газар байж боломгүй алдаа гаргалаа.
 
Тэд энэ хариуцлагагүй байдлаа хэрхэн тайлбарлах бол. Хэрвээ энэ нарийнхан төмөр утас хүүхдийн хоолойд зоогдсон бол хариуцлагыг хэн хэрхэн хүлээх вэ.