МУГЖ С.Жавхлан эхнэр хайж буй зарыг өөрийн албаны ёсны гэдэг цахим хуудастаа байршуулжээ. Тэрбээр "Цай чанаж галыг минь бадраах бүсгүй байна уу? 2-3 жил өөрөө цайгаа чанаж галаа өрдлөө одоо болсон байх аа. Гол нь Монгол гэсэн зорилго нэг ёстой шүү!" гэлээ.

Энэхүү зарыг нь харсан дагагч нар нь ихээхэн дургүйцэж нэлээдгүй шүүмжийн үгийг үлдээжээ. 

"Цахим орчноос эхнэр хайж байхаар 4 сайхан хүүхэд төрүүлж өгсөн эхнэр дээрээ очоо. 4 сайхан үрийг нь төрүүлж өсгөсөн эхээс нь илүү гарах хүн гэж хаана байхав дээ. Тийм сайхан, сайн эхнэрийг аргыг нь олоод амьдарч чадахгүй байна гэдэг өөрт чинь байна даа. Олон сайхан үрсээ бодож, сайхан эхнэрээ аргадлаа гээд муу хүн болчихгүй байлгүй дээ. Эсрэгээрээ сайхан амьдарч, хүний амьдралын жамаар өтөлж, үр хүүхдэдээ яригдах дурсагдах зүйлтэй бүтэн яваасай билээ.

Үрээс өөр юу ч үлддэггүй, нүцгэн буцах хорвоо шүү. Том хүүхдүүд чинь өсвөр, шилжилтйн насан дээрээ явж байна. Энэ постыг чинь хараад ямар байх уу..,

Зөвхөн өөрийгөө бодож, тулга тойрсон юм ярихаа болино уу. Эрдэнэчимэгээс өөр ур ухаан уужуу амгалан хүүхэн дэлхийн хаанч байхгүйшдээ андаа. 4н хүүхэдийнхээ эхийг тойглосон нь дээрдээ" зэргээр үгээ хэлж байна.