Дэлхийн дугуйн холбооны 2.2 зэрэглэлд багтдаг “Tour Of Sakarya” тэмцээн дөрвөн өдрийн турш үргэлжиллээ. Тус тэмцээнд 14 улсын 89 баг тамирчид өрсөлдсөн аж.

Манай улсаас олон улсын хэмжээний мастер Б.Идэрболд нийлбэр дүнгээр дөрөвдүгээр байранд орж, Монголын дугуйн холбоонд UCI-ийн 20 оноо авчирсан юм.

Харин тэмцээний тэргүүн байранд Хятадын баг, дэд байранд Узбекистаны баг тус тус шалгарчээ. Монголын багийн дараагийн тэмцээн энэ сарын 27-31-ний өдрүүдэд Узбекистан улсад болно.