Аливаа улс орны хувьд анхааралдаа авч, дэлхийн чиг хандлагыг харсан, алсын хараатай холч бодлогоор дэмжих ач холбогдол бүхий тэргүүлэх чиглэл бол хүний нөөцийн салбар байдаг.

Манай оронд жил бүр олон мянган сурагчид ЕБС төгсөн, ирээдүйн ажил мэргэжлээ сонгох алтан хоромтой тулгардаг билээ. Мэргэжлээ зөв сонгох, чадварлаг боловсон хүчин болоход туслахуйц сургалт сайтай шилдэг их дээд сургуульд элсэх нь төгсөгчдийн ирээдүйн ажил амьдралын баталгаа болдог гэхэд хилсдэхгүй. Энэ үүднээс, төгсөгчдийнхөө ирээдүйн сонголтод хувь нэмэр оруулах зорилгоор Монголын боловсролын зах зээл дээрх шилдэг их сургуулиудын нэг болох “Их Засаг” Олон улсын Их сургуулийг танилцуулж байна.   

Олон улсын жишиг стандарт, чанарын шаардлагад дүйцсэн сургалттай Монгол үндэстэн угсаатны үлгэр загвар болсон “Их Засаг” Их сургууль нь Чингис хааны нэрэмжит Алтан категорийн  олон улсын чанарын хаан титэмт их сургууль бөгөөд анх 1994 онд байгуулагдаж, 1996 оноос “Их Засаг” Хууль зүйн дээд сургууль болон үйл ажиллагааныхаа цар хүрээг тэлэн, XXI  зууны эхнээс  “Их Засаг” Их сургууль,  2011 оноос “Их Засаг” Олон улсын  Их сургууль болж өргөжин,  дэлхийн түвшинд  хүрсэн эрдмийн их өргөө болохоо  бүх талаараа батлан харуулсан юм.

• Английн Лондон хотод Алтан категорийн “Олон улсын чанарын хаан титэм” шагнал хүртсэн.
• Чанарын удирдлагын олон улсын стандарт ISO9001-ыг нэвтрүүлсэн.
• Ази Номхон далайн бүсийн чанарын сүлжээний гишүүн сургууль болсон.
• 2015 он хүртэл ахисан түвшинд магадлан итгэмжлэгдсэн.
• 2012 онд Боловсрол Шинжлэх ухааны яамны аттестатчлалд амжилттай орсон.
• 2012  онд тус сургуулийн Эрх зүйн хөтөлбөр магадлан итгэмжлэгдсэн.

-2013 онд тус сургуулийн проректор Н.Учрал Европын Ректоруудын Клуб (CRE)-ын гишүүн болсон зэрэг олон амжилтыг дурдаж болох юм.

Ирээдүйн амьдрал, ажил үйлс, хувь заяандаа зөв сонголт хийсэн азтай, бас одтой олон мянган залуус “Их Засаг” Олон улсын Их сургуулийг зорин ирж, энэхүү гэр бүл, хамт олны хүндтэй нэгэн гишүүн болдог билээ. Тус сургуулийг төгссөн олон мянган төгсөгчдийн сонгосон зам нь  ямагт гэрэл гэгээтэй байсан гэдгийг тус хамт олны 20 жилийн туршлага гэрчилнэ.

Эцэг дээдсийн үеэс уламжилж ирсэн андын барилдлага, андгай тангарагийн ёсон, Чингис  хааны алтан аялгууны гэгээн ертөнц энд л сонгомол утгаараа хэрэгждэг.   Эх орны ирээдүй болсон төгсөгч та бүхний өмнө Чингис хааны нэрэмжит “Их Засаг” Олон улсын Их сургуулийн үүд хаалга үргэлж нээлттэй шүү гэдгийг дуулгахад таатай байна.

 Монгол улсын ТОП-5 Их сургуулийн нэг болох “Их Засаг” Олон улсын Их сургууль нь цогц боловсролтой, гадаад дотоодын хөдөлмөрийн зах зээлд өрсөлдөн ажиллах чадвартай боловсон хүчнийг бэлтгэн гаргадгаараа алдартай билээ.  

Үндэсний бахархалтай байна гэдэг бол эх оронч үзэлтэй, эх орон, элгэн садан, ихэс дээдсээ хайрлах ариун сайхан сэтгэлтэй байна гэсэн үг юм. Ингээд төгсгөлд нь:

Оршихуйн дээд Их Засаг хууль

Орчлонд ганцхан байдаг

Чингис хааныг төлөөлж үлдэх

Цэцэн ухаан Их Засагт л байдаг

Дэлхийг төвхнүүлж байсан ид шид

Дээдсийн минь өв Их Засагт л байдаг

Их Засаг хэмээх хууль журамдаа

Их Засагчууд бид ч багтнам

Эрдмийн өргөө сургуультайгаа

Эрдэмтэн олон багш нартайгаа

Эрт эдүгээгийн төгсөгчидтэйгээ

Өмнөх гэгээн зорилготойгоо

Өөдлөн дэвжих ирээдүйтэйгээ

Их Засаг хуулиндаа багтнам

Эзэн Чингисийн сүр сүлдэн дор оршном…хэмээн Чингис хааны нэрэмжит “Их Засаг” Олон улсын Их сургуулийн ректор, Намсрайн Ням-Осорын шүлгээр өндөрлөж байна.