"Эрдэнэс Тавантолгой" ХК-ийн 2024 оны ногдол ашгаа хэрхэн авах тухай санал асуулга маргааш дуусна. 

Төрийн үйлчилгээний нэгдсэн систем e-Mongolia-гаар явагдаж буй уг санал асуулгад 400,232 иргэн оролцоод буйг Цахим Хөгжил, Инновац, Харилцаа Холбооны Яам(ЦХИХХЯ)-наас мэдээлэв.

Үр дүнг тодруулбал иргэдийн

  • 94.9 хувь буюу 379,950 нь бэлэн мөнгөөр авах хүсэлтэй байгаа бол
  • 19,154 нь нь хуримтлалын сандаа хадгалж, Монголбанкны бодлогын хүүгээр өсгөхийг,
  • 1,128 нь нийслэлийн дэд бүтэц, агаарын бохирдлыг бууруулах ажлуудад хандивлахыг сонгожээ. 

Хэрэв та дээрх хугацаанд сонголтоо хийгээгүй бол таны бүртгэлтэй данс руу хувьцааны ногдол ашиг бэлнээр орохыг ЦХИХХЯ-наас онцоллоо. 

"Эрдэнэс Тавантолгой" ХК 2024 оны ногдол ашгаас 1,072 хувьцаатай хүнд татвар суутгахаас өмнөх дүнгээр 350,008 төгрөгийн ногдол ашиг олгохоор болсон. Үүнээс оны өмнө 135,000 төгрөгийг нь олгосон тул хоёрдугаар сарын 28-нд 100,000 төгрөг, дөрөвдүгээр сард татвар суутгасан дүнгээр 90,000 гаруй төгрөгийг шилжүүлэх юм.