Ноорог.мн гэх нэртэй фэйсбүүк хуудас эрхлэн явуулдаг байгууллагад өнгөрсөн гуравдугаар сарын 18-ны шөнө хойшлуулшгүй ажиллагаа явуулж шалгаж эхэлсэн байдаг. Улмаар тус компанийн найман  ажилчныг саатуулснаас гадна, гар утас, компьютерын хардыг хураан авч байв.

Тэгвэл цагдаагийн байгууллагад шалгаж байсан хэрэг бүртгэлийн хэргийг хаасан тухай "Ноорог креатив студио" ХХК-ийн захирал О.Уламсайхан цахим хуудсаараа мэдээлжээ. Улмаар тэд цагдаагийн байгууллагад үлдсэн байсан нэг ширхэг процессороо авсан талаар О.Уламсайхан цахим хаягтаа бичсэн.

Тэгвэл энэ талаар ЦЕГ-н хэвлэл мэдээллийн төвийн өгсөн тодруулгад энэ хэрэг хаагдаагүй гэж мэдээлсэн билээ. Энэ талаар цагдаагийн байгууллагаас тодруулахад, "Ноорог.мн сайтад холбогдох хэрэг ХААГДААГҮЙ. Мөрдөн шалгах ажиллагаа хуулийн хүрээнд хийгдээд явж байгаа" гэлээ.