Ашигт малтмал, газрын тосны газраас мэдээлснээр наймдугаар сарын 1-17-ний өдрүүдэд Сүхбаатар боомтоор 28869 тонн АИ-92 автобензин орж ирсэн хэмээн мэдэгдлээ.

Тодруулбал, наймдугаар сарын 16-нд 3120 тонн АИ-92 автобензинийг шуурхай тээвэрлэн Толгойт, Аршаант, Дархан, Эрдэнэт, Улаанбаатар өртөөдөд хүргэж, ШТС-иуд руу түгээлт гарсан. Наймдугаар сарын 17-нд 1560 тонн АИ-92 автобензин буух өртөөд болох Толгойт, Дархан өртөөдийг чиглэн явж байна. Улаанбаатар хотын 103 ШТС руу 1475 тонн, орон нутгийн 6 ШТС-руу 75 тонн АИ-92 автобензиний ачилт хийгджээ.

Өнгөрсөн өдрүүдэд шатахууныг 50 мянган төгрөгт олгож, наймдугаар сарын 15-ныг хүртэл хэрэгжүүлээд цуцална хэмээн өнгөрөгч 7 хоногт албаныхан мэдээлсэн. Мөн амралтын өдрүүдэд шатахуун түгээлтийг сайжруулснаар оочер дугаарлалт хэвийн болох болов уу гэх хүлээлт байсан ч шинэ долоо хоногт ч байдал сайжирсангүй.