Нийслэлийн Баянгол дүүргийн 20 дугаар хороо, ДЦС-4 ТӨХК-ийн урд “ТОСА” ХХК-ийн хашаанд баллон дэлбэрсэн байна. Энэ  дуудлагыг 2015.09.14-ний өдрийн  09:48 цагт Онцгой  байдлын алба хаагчид хүлээн авч тус дүүргийн Онцгой байдлын хэлтсийн Гал унтраах, аврах 18 дугаар ангийн 7 албан хаагч, 2 техник хэрэгсэлтэйгээр очиход /200 л-ийн багтаамжтай/ будагны савыг төмөр тасдагчаар тасдах үед тэсрэлт үүсч У /20 настай, эрэгтэй/ гэмтэж нас барсан байна. Хэргийг  дүүргийн Цагдаагийн 2 дугаар хэлтсийн жижүүрийн бүрэлдэхүүнд хүлээлгэн өгсөн бөгөөд шалгалтын ажил хийгдэж байгаа ажээ.