М.ЦЭЦЭГ

Н.Алтанхуягийг Зас­гийн газрын тэргүүнээс огц­руулснаас хойш нэгэн он улирч, нэгэн Цагаан сар, нэгэн наадам болж өнгөрчээ. Түүнийг Ерөнхий сайдын суудлаас буулга­сан нэг жилийн ой өчигдөр юм байна.

Ингээд монголчууд бүгд гар утаснаасаа мессеж бичиж шинэ Ерөнхий сайд Ч.Сайханбилэгт хөгжлийн замыг нь зааж өгөв. Ингээд хоёр толгойг эргэлдүүлж хөгжих нь тодорхой боллоо, манай улс. Ч.Сайханбилэг парламент дахь МАН буюу сөрөг хүчнийг “өвөртөө” оруулж эвслийн Засгийн газар байгуулав. Зургаан сарын дараа хамтрагчаа төр­хөмд нь буцаалаа. Хоёр танхимын сэлгээнд хуучин, шинэ сайдыг дага­сан албан тушаалын халаа бүтэн нэг жил үргэлж­лэв. Монголчууд байгалийн нараа ашиглан, эрчим хүчээ хэмнэхээр цаг тооллыг урагшлуулж, бас ухраахаар Шийдлийн Засгийн газар шийдэв.

Ард түмнийхээ сон­гож өгсөн хөгжлийн замаар явахаар шинэ Ерөн­хий сайд Дубайд очиж Оюутолгой төс­лийн хоёр дахь санхүүжилтийг шийдэв. Үүний үр дүнд Монголд мөнгө орж ирээгүй л байна. Харин ч улс төрд бөөн хэрүүл тарьж, ур­шиг нь өнөөдрийг хүр­тэл үргэлжилсээр. Н.Алтанхуягийг огцроход нэг ам.долларын ханш 1850 төгрөг байсан бол өнөө­дөр 2000 болов. Улс төрийн байдал тогт­вор­гүй­­жиж, эдийн засгийн хүнд­рэл улам гүнзгийрэв. Н.Алтанхуягаас хойших нэг жилд улс оронд ийм л өөрч­­лөлт гарав. Ч.Сайханбилэг Ерөнхий сайд юу хийсэн бэ гэдгээ тун удахгүй нэг жилийн ойгоороо тайлагнах буй за.